Ronaldý eýrokýbokta 100-shi golyn soqty

1/8 fınalda PSJ-dan syrt alańda 0:4 esebimen utylyp, keıinnen qarymta oıynda kambek jasaǵan «Barselona» bul joly Týrınde tosylyp qaldy.

Osynyń aldynda «Malaga» qaqpasyna gol soǵa almaǵan Neımar-Sýares-Messı úshtigi Apennın túbeginde taǵy da bilgen­derinen jańyldy. Al Allegrı shákirtteri Katalonııa komandasyn aıaǵan joq.

Argentınadan álemdi aýzy­na qaratqan talantty oıyn­shylar kóp shyqqany bel­gili. О́tken ǵasyrdyń 80-90-shy jyldary Maradonanyń dáýreni júrse, keıingi jyl­dary Messı bes márte «Altyn doptyń» ıe­geri atandy. Endi, mi­ne, «Iýventýsta» ta­ǵy bir talantty fýtbolshy ósip keledi. Onyń esimi – Paý­lo Dıbala. Fýt­bolshy jan­kúıerler men fýtbol mamandarynan ózin Messımen salystyrmaýdy surady. Mu­nysy da durys shy­ǵar. Qalaı degenmen árkimniń óz joly bolý kerek qoı.

Dıbaladan bó­­­lek, bir goldy qorǵaýshy Djord­jo Kel­­lı­­­­nı soqty. «Bar­­­­selona» bap­­­­ke­ri Lýıs En­rı­ke qarymta oıynda barlyq kúshti salyp, jartylaı fınalǵa shyǵýǵa tyrysamyz dep otyr. Oǵan «Iýventýs» jol bere qoıar ma eken?

Al Germanııanyń úkilep qosqan eki komandasy da óz alańynda jeńildi. «Borýssııa Dortmýnd» pen «Monako» oıy­ny josparlanǵan ýaqyttan bir kún kesh ótti. Sebebi, Dort­mýndta fýtbolshylar mingen avtobýsta jarylys boldy. «Borýssııa» komandasynyń or­ta­lyq qorǵaýshysy Mark Bar­tra aýyr jaraqat aldy. Oǵan shuǵyl operasııa jasaldy. Sóıtip, ÝEFA matchty bir kún­ge shegerdi.

Kezdesýge keletin bolsaq, «Monakonyń» jas talantty oıynshylary nemis koman­dasynyń qaqpasyna úsh gol soqty. Matchtyń 17-mınýtynda «Borýssııa» qorǵaýshysy Sok­ratıs jas juldyz Kılıan Mbappeni óz aıyp alańynda tártip buzý arqyly toqtatqan edi. Tóreshi birden penaltı bel­giledi. Biraq Fabıno bul múm­kindikti paıdalana almady. Degenmen, «Monako» oıynshy­lary shabýyl­dy munymen toqtatqan joq. Arada eki mınýt ótkende, Mbappe báribir esepti ashty. Úziliske deıin Sven Bender óz qaqpasyna ekin­shi goldy soǵyp aldy.

Ekinshi taımda Dembele qaqpashy Danıel Sýbashıchtiń osal tusyn taýyp, tartysty qyzdyra túsken edi. Degenmen, Mbappe 79-mınýtta esepti 3:1-ge jetkizdi. Oıynnyń sońǵy jaǵynda «Borýssııanyń» japo­nııalyq legıoneri Sındzı Ka­gava esep aıyrmashylyǵyn bir dop­qa qysqarta aldy. Biraq, odan árige shamalary jetpedi. Osy­laısha, «Monako» jartylaı fınalǵa bir qadam jasady.

Al Mıýnhenniń «Bavarııa» komandasy ózinde turǵan ba­sym­dyqty paıdalana almady. «Alıans-Arenada» Mad­rıdtiń «Realyn» qabyldaǵan nemister 1:2 esebimen utylyp qaldy.

Alǵashqy goldy 25-mınýtta Artýro Vıdal soqqan edi. Chı­lılik fýtbolshy úziliske shy­­ǵatyn tusta penaltıden múlt ketti.

Ekinshi taımda Madrıd fýt­bolshylarynyń oıyny qul­pyryp shyǵa keldi. Áýeli portýgalııalyq sýperjuldyz Krısh­tıaný Ronaldý tarazy basyn teńestirdi. Sonan soń, «Bavarııa» qorǵaýshysy Havı Martınes matchtaǵy ekin­shi sa­ry qaǵazyn alyp, alań­nan qýyl­ǵan bolatyn. Bul múm­kindikti qonaqtar tıimdi paıdalandy. Oıynnyń 77-mınýtynda Asensıodan pas alǵan Ro­naldý matchtaǵy jeńis golyn soqty. Osylaısha, Krıshtıaný eýrokýboktarda 100 gol soqqan alǵashqy fýtbolshy atandy.

– «Bavarııaǵa» qarsy oınaý ońaı emes. Biz 0:1 esebimen jeńilip jattyq. Biraq, der kezinde qatelikten qorytyndy shyǵaryp, jınala bildik. Ekin­shi taımnyń basynda esepti teńestirgenimiz qandaı jaqsy boldy. Jeńiske jettik. Alaı­da áli alda bir oıyn bar. Son­dyqtan, qorytyndy shyǵa­rýǵa áli erte. Negizi bul matchta ta­ǵy da birneshe gol soǵýǵa bolar edi. Oǵan qaqpashy Noıer múm­kindik bermedi. Eger Vı­dal penaltıdi engizgende, qarsylasqa ońaı bolar edi. Árıne, bul – fýtbol. Bári de bolýy múmkin. Keıinnen biz soq­tyq, olar 10 adammen qal­dy, – deıdi Krıshtıaný Ronaldý.

«Atletıko» men «Lester» kezdesýinde topyrlaǵan gol­dardy kóre qoımadyq. Mad­rıd komandasy Antýan Grız­mannyń penaltıden soqqan bir dobynyń arqasynda je­ńiske jetti. Chempıondar lıgasynda qalǵan Anglııanyń jal­­ǵyz komandasynyń jarty­laı fınalǵa shyǵýǵa áli de múm­kindigi bar. Ol úshin qa­rym­ta oıynda eki dop aıyr­ma­shy­lyǵymen jeńiske jetýi kerek.  

Bek TО́LEÝOV,

jýrnalıst

ASTANA