Vodiymedia.uz (О́zbekstan)
Qazaqstan Respýblıkasynyń Prezıdenti Nursultan Nazarbaev el úkimetine qazaq álipbıin latyn áripteri negizinde jasap shyǵýǵa tapsyrma berdi.
«Úkimet qazaq álipbıin latyn áripteri negizinde jasap shyǵýy kerek», delingen Nazarbaevtyń «Egemen Qazaqstan» gazetinde shyqqan avtorlyq maqalasynda.
«Ǵalymdar men qoǵamdyq talqylaýdan soń, jyl sońyna deıin latyn áripteri negizinde jasalǵan qazaq álipbıiniń jalǵyz nusqasyn shyǵaramyz. 2018 jyldan bastap jańa álipbıdi úıretetin mamandardy daıyndaý jáne orta mektepter úshin arnaıy pán engizý kerek», dep aıtty Qazaqstan Prezıdenti.
Jańa latyn álipbıine kóshýdiń alǵashqy jyldary Qazaqstanda kırıll jáne latyn áripteri birge qoldanyla beredi. Dál bizdegi sııaqty qazaqstandyqtar da latyn grafıkasy negizindegi álipbıine kezeń-kezeńimen kóshedi.
kun.uz (О́zbekstan)
Qazaqstan Prezıdenti Nursultan Nazarbaev latyn tilindegi qazaq álipbıin 2017 jyldyń sońyna deıin jasap shyǵarý týraly tapsyrma berdi. Bul týraly el Prezıdenti «Egemen Qazaqstan» gazetindegi maqalasynda aıtty.
«Latyn jazýyna kóshýdiń mańyzy zor. Bul – zamanaýı tehnologııalar men kommýnıkasııalarda básekege qabilettilikti arttyrý men HHI ǵasyrdyń bilim berý júıesine yńǵaılanýdyń joly. Balalarymyz mektep kezinen-aq aǵylshyn tili arqyly latyn áripterin úırenedi. Sol úshin óskeleń urpaqqa qıyndyq týmaıdy. 2017 jyldyń sońyna deıin ǵalymdar men qoǵamdyq talqylaýdyń kómegimen jańa álipbıdi qabyldaýymyz kerek», delingen Nazarbaevtyń maqalasynda.
Qazaqstan Prezıdentiniń aıtýynsha, 2018 jyldan bastap jańa álipbıdi úıretetin mamandardy daıyndaý jáne orta mektepter úshin arnaıy pán engizý kerek. Sondaı-aq, kırıll jáne latyn áripteri alǵashqy ýaqyttarda birge qoldanyla beredi.
daryo.uz (О́zbekstan)
Qazaqstan Prezıdenti Nursultan Nazarbaev el úkimetine qazaq álipbıin aýystyrý kestesin túzýdi tapsyrdy.
«Úkimet qazaq álipbıin latyn áripteri negizinde jasap shyǵýy kerek», delingen Nazarbaevtyń «Egemen Qazaqstan» gazetinde shyqqan avtorlyq maqalasynda.
«2017 jyldyń sońyna deıin qazaq álipbıiniń latyn tilindegi nusqasyn jasap shyǵýymyz kerek. 2018 jyldan bastap jańa álipbıdi úıretetin mamandar daıyndalsyn jáne orta mektepter úshin arnaıy pán engizilsin. Jaqyn eki jylda uıymdastyrý jáne ádistemelik jumystaryn júrgizý kerek», deıdi N.Nazarbaev.
Sputniknews-uz.com (О́zbekstan)
Qazaqstan Prezıdenti Nursultan Nazarbaev jyl sońyna deıin qazaq tilin latyn álipbıine aýystyrý boıynsha biryńǵaı standarttar daıyndaý týraly tapsyrma berdi. О́ziniń maqalasynda Memleket basshysy Qazaqstan Úkimetine qazaq tilin latyn álipbıine aýystyrý týraly tapsyrma júktedi.
«Biz osy maqsattaǵy jumystardy qolǵa alamyz. Úkimet qazaq tilin latyn álipbıine aýystyrý baǵdarlamasyn daıyndaýy tıis», delingen N.Nazarbaevtyń «Egemen Qazaqstan» gazetinde shyqqan maqalasynda.
Maqalada Nazarbaev latyn álipbıine ótý bastamasyn zamanaýı tehnologııalar men kommýnıkasııalarda básekege qabilettilikti arttyrý men HHI ǵasyrdyń bilim berý júıesine yńǵaılanýdyń joly retinde túsindiredi.
«Úkimet qazaq tilin latyn álipbıine kóshirýdiń naqty kestesin jasaýy kerek. Latynshaǵa kóshýdiń tereń logıkasy bar. Bul qazirgi zamanǵy tehnologııalyq ortanyń, kommýnıkasııanyń, sondaı-aq HHI ǵasyrdaǵy ǵylymı jáne bilim berý prosesiniń erekshelikterine baılanysty. Mektep qabyrǵasynda balalarymyz aǵylshyn tilin oqyp, latyn áripterin onsyz da úırenip jatyr. Sondyqtan, jas býyn úshin eshqandaı qıyndyq, kedergiler bolmaq emes», deıdi N.Nazarbaev.
Prezıdenttiń aıtýynsha, jańa álipbıge beıimdelý kezeńinde belgili bir ýaqyt kırıllısa da qoldanyla turady.
Cumhuriyet (Túrkııa)
Qazaqstan Prezıdenti Nursultan Nazarbaev el Úkimetine qazirgi qoldanystaǵy kırıll álipbıin latynǵa aýystyrý týraly tapsyrma berdi. Nazarbaev «Egemen Qazaqstan» gazetinde jarııalaǵan maqalasynda jańa álipbıdiń biryńǵaı standartyn jyl sońyna deıin daıyndaýdy tapsyrdy.
«2018 jyldan bastap jańa álipbıdi úıretetin mamandardy jáne orta mektepterge arnalǵan oqýlyqtardy daıyndaýǵa kirisýimiz qajet. Aldaǵy 2 jylda uıymdastyrý jáne ádistemelik jumystar júrgizilýi kerek», dedi Memleket basshysy. Qazaqstan Prezıdenti alǵashqy kezderi qos álipbıdiń qatar paıdalanylatynyn aıtty.
Budan buryn KSRO quramynda bolǵan Ázerbaıjan, Moldova, Túrikmenstan men О́zbekstan latyn álipbıine kóshken edi. О́zbekstan resmı túrde latyn álipbıine kóshkenimen, kırıll áripteri áli de qoldanystan shyqpaǵan. Al Qyrǵyzstan men Tájikstan kırıll áripterin qoldanýda.
Aljazeera Türk (Túrkııa)
Kırıll áripterimen latynǵa kóshýge daıyndalyp jatqan Qazaqstan 2018 jyldan bastap mektep oqýlyqtaryn latyn áripterimen baspaq. Qazaqstan Prezıdenti Nursultan Nazarbaev 2025 jylǵa deıin barlyq kitaptardyń, merzimdi basylymdardyń jáne resmı is qaǵazdardyń latyn álipbıine aýysatynyn málimdedi. Sonymen qatar, ol el Úkimetine latyn álipbıine kóshý týraly tapsyrma berdi.
«Egemen Qazaqstan» gazetinde jarııalanǵan «Bolashaqqa baǵdar: rýhanı jańǵyrý» atty maqalasynda Nazarbaev Úkimetke jyl sońyna deıin latynǵa kóshýdiń biryńǵaı standartyn daıyndaýdy tapsyrdy.
Maqalada Memleket basshysy X-XX ǵasyrlar aralyǵynda eldiń arab álipbıin paıdalanǵanyn, 1929 jyldan bastap latyn álipbıi engenin, al 1940 jyly kırıll áripteriniń qoldanysqa kirgenin aıtady.
2017 jyldyń sońyna deıin sala mamandarymen aqyldasa otyryp, latyn álipbıine kóshýdiń biryńǵaı standartyn daıyndaýdy tapsyrǵan Memleket basshysy 2018 jyldan bastap mektep baǵdarlamasyna latyn áripteriniń engiziletinin aıtty. Aldyn ala josparǵa saı, bastapqy kezde qos álipbı qatar qoldanysta bolmaq.
Trt.net.tr (Qyrǵyzstan)
Qazaqstan 1929-1940 jyldar aralyǵynda qazaq-latyn álipbıin qoldanǵannan keıin kırıllısaǵa ótken bolatyn. Qazaqstan Prezıdenti Nursultan Nazarbaev kırıllısany latyn tańbasyna aýystyrý týraly tapsyrma berdi. Prezıdent «Egemen Qazaqstan» gazetinde jarııalanǵan maqalasynda jańa latyn álipbıiniń úlgisi jyldyń sońyna deıin daıyndalý kerektigin aıtty.
N.Nazarbaev: «2018 jyldan bastap jańa álipbımen bilim berý úshin ádistemeler daıyndalyp, orta mektepter úshin latyn álipbıinde kitaptar basylyp, aldaǵy eki jylda metodıkalyq ister atqarylýy kerek», dep jazdy.
Daıyndaǵan
Álı Bıtóre,
«Egemen Qazaqstan»
