Qanisher alysqa uzamapty, jedel-izdestirý sharalaryn úzbeı júrgizgen oblystyq ishki ister departamentiniń qyzmetkerleri ony Qostanaı qalasynda páterlerde jasyrynyp júrgen jerinen ustady. Oblystyq ishki ister baspasóz qyzmetiniń habarlaýynsha, kúdikti 2 aı boıy qalada páterde tyǵylyp otyrǵan, 17 sáýir kúni túske deıin qolǵa tústi.
Qazir kúdikti ýaqytsha ustaý ızolıatoryna qamaldy.
Eske sala ketsek, 2017 jyldyń 20 aqpanynda oblystyq psıhıatrııalyq aýrýhananyń burynǵy bas dárigeri Rashıda Sandybaevany belgisiz bireýler óz páterinde pyshaqtap óltirgen bolatyn. Keshendi jedel-izdestirý jumystarynyń arqasynda osy qasiretti oqıǵadan kóp uzamaı buryn sottalǵan 40 jastaǵy jáne 25 jastaǵy eki adam, qylmysqa qatysy bar degen kúdikpen 45 jastaǵy áıel ustalǵan bolatyn. Olar sot prosesine deıin qamaýda, qazir tergeý amaldary júrip jatyr.
Názıra Járimbetova,
«Egemen Qazaqstan»
QOSTANAI
