Foto: pexels
«Otbasy bank» júrgizgen irikteý barysynda kezekte turǵan azamattardyń nemese olardyń otbasy músheleriniń atynda baspana bar ekeni, ne bolmasa olardyń burynnan kezekte turǵany anyqtalǵan.
Turǵyn úı kezegi – bul baspanaǵa muqtaj azamattardy esepke alý júıesi. Ol azamattarǵa birqatar jeńildikpen turǵyn úı alýǵa múmkindik beredi. Atap aıtqanda, jalǵa beriletin páter úshin aı saıynǵy tólemniń 50% kóleminde sýbsıdııa, jaldamaly baspana (merzimsiz nemese satyp alý quqyǵymen), sondaı-aq 2%-dan 9%-ǵa deıingi mólsherlememen jeńildetilgen ıpoteka qarastyrylǵan.
Zeınetaqy jınaǵyn turǵyn úı satyp alýǵa paıdalaný tártibi ózgertildi
2025 jylǵy 24 mamyrdan bastap turǵyn úı kezegin júrgizý tolyqtaı «Otbasy bankke» berildi. Buǵan deıin bul fýnksııa jergilikti ákimdikterdiń quzyrynda bolǵan. Sonymen qatar, kezekke turý talaptary da ózgerdi. Eger buryn tek áleýmettik osal top ókilderi ǵana tirkele alsa, endi belgilengen talaptarǵa saı keletin barlyq azamatqa múmkindik berilgen.
Jańa talaptarǵa sáıkes, kezekke turý úshin úmitker Qazaqstannyń azamaty nemese qandas bolýy tıis, sońǵy 5 jyl boıynsha ózinde nemese otbasy múshelerinde turǵyn úı bolmaýy kerek (nemese jalǵyz baspanasy apatty dep tanylýy qajet), sondaı-aq turaqty tirkeýi bolýy shart. Astana, Almaty jáne Shymkent qalalarynda tirkeý merzimi keminde 3 jyl bolýy talap etiledi.
Jańa júıe engizilgennen beri kezek aıtarlyqtaı tolyqqan. Mamyr aıynda 176 664 adam, maýsymda 81 317 adam tirkelse, jyl sońyna qaraı bul kórsetkish turaqtanyp, jeltoqsanda 11 502 adam kezekke turǵan. Jalpy alǵanda, jańa júıe iske qosylǵaly beri 407 479 azamat esepke alynǵan.
Elimizde turǵyn úı kezegin jedeldetý maqsatynda jańa ereje engizildi
Qazirgi ýaqytta turǵyn úı kezeginde 968 640 adam tur. Olardyń shamamen 30%-y nemese 306 632 adam baspana alýǵa birinshi kezekte quqyly. Bul qatarǵa ardagerler, kópbalaly otbasylar, jetim balalar men jesirler kiredi.
2025 jylǵy qazan aıynan bastap ákimdikter «Otbasy bankke» 21 255 páterdi basqarýǵa bergen. Sonyń ishinde 6670 jaldamaly páter jáne 2343 páter jeńildetilgen ıpoteka arqyly úlestirilgen. Jalpy eki baǵyt boıynsha shamamen 10 000-nan astam páter berý josparlanyp otyr.
Turǵyn úıdi bólý kezinde negizgi eki talap eskeriledi – kezekke qoıylǵan ýaqyty jáne azamattyń áleýmettik sanaty. Sońǵy jarty jylda baspana alǵandar qatarynda jetim balalar – 986 adam, jesirler – 370, múgedektigi bar azamattar – 1077, kópbalaly otbasylar – 1242, tolyq emes otbasylar – 1580, erekshe qajettiligi bar balalardy tárbıelep otyrǵan otbasylar – 1056.
Turǵyn úı kezegi qaıta júıelendi: Kimderge jeńildik beriledi?
Aıta keterligi, jańa páter ıeleri arasynda 1996 jyldan beri kezekte turǵan azamattar da bar, sondaı-aq 2005 jyldan beri baspana kútken adamdar da qonys toıyn toılaǵan.
Buǵan deıin «Otbasy bank» qandaı jaǵdaıda azamattar kezekten shyǵarylmaıtynyn túsindirgen. Atap aıtqanda, tirkeý ornyn ózgertkender, tabysy jetkiliksiz azamattar, derekterinde qate ketkender jáne turǵyn úıdegi úlesi az adamdar kezekten shyǵarylmaıdy.
Mańyzdy jańalyqtyń biri – 2026 jylǵy 2 naýryzdan bastap turǵyn úı tek túgendeýden ótken azamattarǵa ǵana beriledi. Eger kezekte turǵan adam tekserýden ótpese, páter bólý prosesine qatysa almaıdy.
