«Aldyn ala boljam boıynsha, 21-24 sáýir aralyǵynda belsendi sıklondar men olardyń atmosferalyq fronttaryna baılanysty elimizdiń basym bóliginde jaýyn-shashyn bolady. BQO, SQO, Qostanaı, Qaraǵandy, Aqtóbe, Almaty jáne Jambyl oblystarynda qatty jaýyn-shashyn men aýa temperatýrasynyń tómendeýi kútiledi», – dedi «Qazgıdromet» RMK dırektory Marına Shmıdt
Sınoptıkterdiń málimetinshe, Qazaqstannyń batysynda túnde aýa temperatýrasy -3...+2 gradýsqa deıin, kúndiz +10...+15 gradýsqa deıin, elimizdiń ortalyǵy men shyǵysynda túngi ýaqyttaǵy aýa temperatýrasy -3...+2 gradýsqa deıin, al kúndiz +5...+13 gradýsqa deıin tómendeıdi. Al ońtústik pen ońtústik-shyǵysta túnde aýa temperatýrasy +3...+8 gradýs, kúndiz +18...+23 gradýs bolady.
«Al keıinirek kún qaıta jylynyp, elimizdiń soltústiginde aýa temperatýrasy +18...+23 gradýs, ońtústikte +20...+28 gradýsqa deıin jylynady. Biraq bul jylý uzaqqa sozylmaıdy. Taǵy bir sıklonnyń kelýine baılanysty aıdyń sońynda respýblıkanyń barlyq aýmaǵynda qaıtadan jaýyn jaýyp, aýa temperatýrasy tómendeıdi», – dedi Marına Shmıdt.
