Respýblıkalyq olımpıadaǵa elimizdiń 14 oblysynan jáne Astana, Almaty qalalarynan 11-synyptyń 7 myńǵa jýyq oqýshysy qatysty. Bitirýshi túlekter 11 pán boıynsha bilimderin sarapqa salyp, tek úzdikteri jeńiske jetti.
Olımpıadany qorytyndylaǵan ýnıversıtet rektory, professor Ý.Ábdibekov jeńimpazdarǵa 1, 2, 3 dárejeli Q.A.Iаsaýı atyndaǵy halyqaralyq qazaq-túrik ýnıversıtetiniń bilim granty dıplomyn tabystady. Joǵary kórsetkishke qol jetkizgen 81 grant ıegerine UBT-dan 50 balldan joǵary jınaý shartymen Q.A.Iаsaýı atyndaǵy halyqaralyq qazaq-túrik ýnıversıtetinde tegin bilim alý quqyǵy berildi.
Búgingi básekeden ýnıversıtet grantyna ilikpeı qalǵan qatysýshylarǵa da úlken jeńildikter qarastyrylyp otyr. Eger siz memlekettik grantty ıelene almasańyz, UBT-da jınaǵan 50 upaımen osy sertıfıkatpen aqyly negizde 25 paıyzdyq jeńildikpen bilim ala alasyzdar. Sondaı-aq, 10-23 tamyz aralyǵynda qosymsha 500 grant oryndary bólinedi», – degen professor Ý.Ábdibekov barlyq jeńimpazdardy quttyqtady.
Grant júldegerleri bilim dodasynyń ádil nátıjesine rızashylyqtaryn bildirip, erekshe qýanyshtaryn jetkizdi. Ýnıversıtettiń jetistikteri men kampýsynyń saltanatyna qanyqqan oqýshylar, oqý ornynyń stýdenti bolýdy ózderine maqsat etetindikterin de jasyrmady.
Aıta keteıik, úsh aıǵa jalǵasqan olımpıadanyń 1-shi irikteý kezeńi – online túrde 2017 jyldyń 1-4 naýryz kúnderi ótkizilip, jalpy, 7000-ǵa jýyq oqýshy qatysqan bolatyn. HQTÝ bazasyndaǵy 2-shi kezeńge 2351 oqýshy ótip, qorytyndy bilim saıysynda 1205 oqýshy, onyń ishinde, Aqmola oblysynan – 75, Aqtóbe oblysynan – 76, Almaty oblysynan – 39, Atyraý oblysynan – 29, Batys Qazaqstan oblysynan – 73, Jambyl oblysynan – 63, Qaraǵandy oblysynan – 89, Qostanaı oblysynan – 28, Qyzylorda oblysynan – 144, Mańǵystaý oblysynan – 44, Ońtústik Qazaqstan oblysynan – 478, Soltústik Qazaqstan oblysynan – 14, Pavlodar oblysynan – 18, Shyǵys Qazaqstan oblysynan 35 mektep bitirýshi túlek baq synady.
