О́ńir basshysy Úndistan Jeńil ónerkásibi mınıstrliginiń birlesken hatshysy Gýpta Sýbrata myrzaǵa óńirdiń ekonomıkalyq damý barysy men ınvestısııalyq tartymdylyǵyn baıandady, dep habarlaıdy oblys ákimdiginiń resmı saıty.
«Qazaqstandaǵy toqyma ónerkásibi damýynyń mańyzdy áleýeti Ońtústik Qazaqstan oblysynda. Bizdiń óńirde maqta sharýashylyǵy jaqsy damyǵan. Oblysymyzda «Ońtústik» arnaıy ekonomıkalyq aımaǵy qurylyp, onda tigin sehtary men fabrıkalarymyz jumys istep jatyr. Endigi másele - jeńil ónerkásipti damytýda Úndistan memleketimen tyǵyz qarym-qatynas ornatyp, ortaq jobalardy birlesip iske asyrý. Bul rette óńirde sheteldik ınvestorlarǵa barlyq qoldaýlar jasalanady. О́nerkásipke qajetti jer telimi berilip, barlyq ınfarqurylymdyq qajettiliktermen qamtamasyz etetin bolamyz», - dedi Janseıit Qanseıituly.
Búgingi tańda oblysymyzdaǵy jeńil ónerkásipte kásiporyndardyń 80 paıyzdan astamy shaǵyn jáne orta bıznes sýbektileri bolyp tabylady. О́ńirde jyl saıyn 400 - 450 myń tonna shıtti maqta jınalady, tabıǵı shıkizattan jasalǵan ónimge suranys ta mol. Osy jáne ózge de múmkindikterge qanyqqan qonaqtar jeńil ónerkásip salasynda eńbek etip júrgen óńir kásipkerlerin 30 maýsym kúni Úndistanda ótkeli otyrǵan iri jermeńkege qatysýǵa shaqyrdy.
«Jumysshy tobynyń negizgi maqsaty – Qazaqstan men Úndistan memleketteri arasyndaǵy jeńil ónerkásip salasyndaǵy qarym-qatynas pen saýda-ekonomıkalyq baılanystardy nyǵaıtý bolyp tabylady. Búgingi tańda Úndistanda jeńil ónerkásiptiń jyldyq saýda aınalymy 140 mlrd AQSh dollaryn qurap otyr. Úndistan toqyma, maqta, mata ónimderin óndiretin 1000-ǵa jýyq kompanııanyń fabrıkalary jumys isteıdi. Ońtústik Qazaqstan oblysyna jasaǵan bul saparymyz jemisti jáne nátıjeli bolady dep senemin»,- dedi Úndistan Jeńil ónerkásibi mınıstrliginiń birlesken hatshysy Gýpta Sýbrata.
Aıta keteıik, qazaq-úndi jumysshy toby 2008 jyly qurylǵan bolatyn.Aldaǵy jyly on jyldyǵyn atap ótkeli otyrǵan toptyń ońtústiktegi sapary 2 kúnge josparlanyp otyr.
