Qala basshysy turǵyn alaptarynyń qurylys alańdarynda bolyp, qurylys alańdarynyń sanıtarlyq jaǵdaıyn, abattandyrý erejeleriniń saqtalýyn, dóńgelek jýý beketteriniń jáne ol jerden avtojolǵa deıin qatty tósemniń bar-joǵyn tekserdi. Ákim tıisti vedomstvolardyń basshylaryna abattandyrý máselelerin bir apta ishinde sheshý týraly tapsyrma berdi, sondaı-aq, abattandyrý jáne sanıtarlyq kútip-ustaý erejelerin saqtamaǵan buzýshylardy jaýapkershilikke tartýdy buıyrdy. Ákim qala aýmaǵyndaǵy zańsyz qurylys úıindilerin joıyp, qurylys alańdarynda qatty turmystyq qaldyqtardy úıýge jol bermeýdi talap etti.
Sondaı-aq, ákim qalanyń ortalyq jáne qosalqy kóshelerimen júrip ótti, úsh aýdannyń yqsham aýdandary men turǵyn alaptaryn aralady, osylaısha jol tóseminiń, trotýarlardyń, ǵımarattardyń qasbetterin, kósheni jaryqtandyrý tirekteriniń, jaıaý júrginshi joldarynyń jáne kógaldardyń jaǵdaıyn tekserdi. Aýlaaralyq jol ótkelderi, kólik kóp qoıylatyn oryndar men parkıngter tekserildi.
Nátıjesinde, qala basshysy elordadaǵy nysandar, aýlalar men kósheler tazalyq pen tártip talaptaryna jaýap berip, turǵyndar úshin qaýipsiz bolýy kerektigin atap kórsetti. Jaýapty qyzmetterdiń basshylaryna barlyq qoǵamdyq nysandardyń jaǵdaıyn kúndelikti baqylaýǵa alýdy tapsyrdy. Sonymen birge, qala basshysy talaptardy oryndamaǵan qandaı da bir ýchaske úshin jaýapty birinshi basshylar, olarǵa qaraıtyn jumyskerler qatań jazalanatynyn aıtty. Tıimsiz jumysy anyqtalǵan jaýapty uıymdarǵa qatysty ákimshilik túrdegi qatań sharalar qabyldanady.
