Qyrǵyz syrtqy saıası vedomstvosynyń basshysy Shanhaı yntymaqtastyq uıymynyń Syrtqy ister mınıstrleri keńesiniń otyrysyna qatysý úshin Astanaǵa kelgen bolatyn.
«Qazaqstan úshin Qyrǵyzstan - strategııalyq áriptes jáne odaqtas. Búgin elderimiz arasyndaǵy ekijaqty yntymaqtastyq damýynyń qarqyndy úderisi baıqalýda», - dedi Q. Ábdirahmanov kezdesýde.
Kezdesý barysynda mınıstrler Qazaqstan-Qyrǵyz kún tártibiniń ózekti máselelerin konstrýktıvti jáne senimdi sıpatta qarastyrdy.
Ortalyq Azııadaǵy sý resýrstaryn tıimdi paıdalaný máselelerine erekshe nazar aýdaryldy.
Suhbattasýshylar shekaralas yntymaqtastyǵyn keńeıtý jáne eki el azamattarynyń qatynasýy men ózara saparlar úshin jaǵymdy jaǵdaılar jasaý boıynsha birlesken jumysty jandandyrýǵa kelisti.
Sondaı-aq, syrtqy saıası vedomstvolar basshylary Eýrazııalyq ekonomıkalyq odaq sheńberindegi ózara is-qımyl men 14 sáýirde Bishkekte ótken Joǵarǵy Eýrazııalyq ekonomıkalyq keńestiń otyrysynda memleket basshylary arasynda qol jetkizilgen ýaǵdalastyqtardy iske asyrý máselelerin talqylady.
Sonymen qatar, taraptar Ortalyq Azııanyń ortaq múddelerin jyljytý boıynsha sonyń ishinde Qazaqstannyń BUU Qaýipsizdik Keńesindegi 2017-2018 jj. músheligi mánmátinde úılestirýdi jalǵastyrýdyń mańyzdylyǵyn atap shyqty.
