Únemdeýden jáne memlekettik-jekemenshik áriptestik jobalardy júzege asyrý arqasynda basqa da ózekti jobalar úshin qosymsha 2 mıllıard 230 mıllıon teńge bólýge múmkindik týdy.
Osy qarjynyń jartysyna jýyǵy Qostanaı qalasyndaǵy ortalyq stadıondy jóndeýge jumsalatyn bolady. Sessııada oblys ákimi Arhımed Muhambetov bul bólingen qarjy ortalyq basty sporttyq nysandy adam tanymastaı ózgertetinin aıtty.
«Bul júrgiziletin qurylys jumystarynyń kólemi shyn máninde stadıondy qaıta salyp shyqqanmen birdeı. Stadıon naǵyz zamanaýı talaptarǵa saı bolady. Munyń syrtynda qalanyń soltústik-batys aýmaǵynan fýtbol maneji salynady» dedi Arhımed Begejanuly.
Stadıondy jóndeý jumystary jyl aıaǵyna deıin bitedi.
Názıra Járimbetova
«Egemen Qazaqstan»
