Nursultan Nazarbaev Beıbitshilik jáne kelisim saraıynda Qazaqstan halqy Assambleıasynyń XXV sessııasy bastalar aldynda jas ánshi Dımash Qudaıbergenovpen kezdesti.
Qazaqstan Prezıdenti áńgime barysynda D.Qudaıbergenovti Qytaıda ótken halyqaralyq baıqaýdaǵy jeńisimen quttyqtap, oǵan baq-bereke jáne zor shyǵarmashylyq tabys tiledi.
– Seniń boıyńda aıryqsha daryn bar. Sony saqtaı bil. Men seniń bolashaǵyńnyń jarqyn bolýyn tileımin. Halqyńa qyzmet etý jolynda qýatyń sarqylmaǵaı. Seni qazir barlyq jerge shaqyryp jatyr. Sol úshin saǵan myqty densaýlyq kerek, – degen Elbasy jas darynǵa batasyn berdi.
D.Qudaıbergenov Memleket basshysyna kórsetken qoldaýy úshin alǵysyn bildirip, óziniń aldaǵy josparlary jóninde aıtty.
Kezdesý sońynda Qazaqstan Prezıdenti jas ánshiniń shyǵarmashylyq jolynda jańa jetistikterge jetýine tilektestik bildirdi.
Sýretter Prezıdenttiń baspasóz
qyzmetinen alyndy
