«Birligi bekem el myqty!» dep atalatyn jıyn búgingi beıbit ómir men kelisimniń budan ári nyǵaıa túsýine bar kúsh-jigerlerin jumsaıtynyn jarııa etken otandastar oılaryn ortaǵa salýǵa múmkindik berdi. Turaqtylyqty tuǵyr etip, eldiktiń eńsesin tikteýde Elbasy usynǵan rýhanı jańǵyrý saıasatyn berik ustanatyndyqtaryn barshaǵa jarııa etken qaraǵandylyqtar is-sharadan ilgeri qadam aldy. Atalǵan alqaly jıynǵa aımaq basshysy Erlan Qoshanov arnaıy qatysyp, Birlik merekesi aldynda jınalǵan jurtshylyqqa rııasyz yqylasyn bildirdi. Aımaq basshysy qatysýshylardy 1 mamyr – Qazaqstan halqynyń birligi kúnimen quttyqtap, Qazaqstan halqy Assambleıasynyń mereıtoıly HHV sessııasynan keıingi bul basqosýdyń tarıhı mańyzyna toqtaldy. — Prezıdent bizdiń qoǵamnyń damý kezeńderin aıqyndap berdi. Elbasy júıeli jańǵyrý týraly aıtty. Ol – úsheý. Iаǵnı, ekonomıkalyq jańǵyrý, saıası jańǵyrý, rýhanı jańǵyrý. Memleket basshysy aıtqandaı, osyndaı «júıeli jańǵyrý bizdiń búkil jumystarymyzdyń ózegine aınaldy». Iаǵnı, jańǵyrýdyń negizi de, túp tamyry da – turaqtylyq, birlik, kelisim. Assambleıadan keıin, qoǵamdyq sanany jańǵyrtý jónindegi ulttyq komıssııanyń alǵashqy otyrysyna qatystyq. Biz de ózimiz – oblysta, barlyǵymyz birigip, osy oraıda keshendi ári júıeli jumysqa kirissek deımin, – dedi oblys ákimi Erlan Qoshanov. Sonymen qatar, oblys ákimi ulttyq mádenı birlestikterdiń kelisimdi, ultaralyq tatýlyqty nyǵaıtýdaǵy ıgi isterin de nazardan tys qaldyrmady. Sharanyń da ataýy soǵan negizdelgen. Birligi myqty eldiń, rýhy da kúshti bolaryn tilge tıek etti. Osy jyldar aralyǵynda elimiz yntymaqqa aırandaı uıydy. Bul iste Qazaqstan halqy Assambleıasynyń úlesi zor. Elbasynyń baǵdarlamalyq maqalasy Assambleıanyń rýhanı jańǵyrýyna da jol ashpaq.
Budan soń birqatar ulttyq-mádenı birlestik ókilderi, keshe Qazaqstan halqy Assambleıasynyń sessııasyna aımaq delegasııasynyń quramynda qatysqandar oılaryn ortaǵa saldy. О́zara pikir almasyp, sessııanyń tyń serpin, zor qýat bergenin atap ótti. Sessııada Memleket basshysynyń sózinen oılaryna shýaq alǵan qaýym aldaǵy ýaqytta el birligin arttyrýǵa aıanyp qalmaıtyndyqtaryn aıtty. Sóz alǵandardyń qatarynda Qazaqstan halqy Assambleıasynyń múshesi, ǵylymı-saraptaý tobynyń jetekshisi V.Molotov, Jezqazǵan qalasy qoǵamdyq kelisim keńesiniń tóraǵasy, bilim mesenaty B.Altynbekov, «Arselor Mıttal Temirtaý» AQ konvertor sehynyń jumysshysy D.Zaharov, demokratııalyq kúshter koalısııasynyń múshesi M.Aqádilova, «EKSPO&Women» halyqaralyq qoǵamdyq uıymy Qaraǵandy fılıalynyń jetekshisi A.Saharova jáne taǵy da basqa ulttyq birlestik ókilderi, sportshylar, óndiriste eńbek etip júrgender bar. QHA ǵylymı-saraptama tobynyń basshysy Vılen Molotov Lýchanskıı aıtqandaı, bizdiń, ıaǵnı etno-mádenı birlestikterdiń, sarapshy qaýymdastyqtyń aldynda jahandyq ıdeologııalyq básekelestikke qabiletti bola bilýde tıimdi ádisterdi meńgerýdiń zor mindeti tur. Syrtqy kúshter jańa aqparattyq tehnologııalardy qoldana otyryp qoǵamdy iritip-shiritý úshin neshe túrli soǵystar júrgizip jatyr. Bul bizdiń turaqtylyǵymyzǵa nuqsan keltirýi múmkin. Sondyqtan Elbasymyz ár mańyzdy jıynda osy jaıttardyń aldyn alý qajettiligin bizge mindettep otyrady. Jıynǵa óń bergen jaıttardyń biri – óńirlerdegi túrli ult ókilderinen quralǵan kórkemónerpazdar tikeleı baılanysqa shyqqany boldy. Lebizderin jetkizip, onyń sońyn ánmen, kúımen órip otyrdy. Sharaǵa qatysqan túrik qyzy Rasýl Azamı ózin «qazaqpyn!» dep, jastardy eldi qurmettep, onyń tarıhyn bilýge shaqyrdy. Juban Moldaǵalıevtiń «Men – qazaqpyn!» poemasynan úzindi oqyp berýi kópshiliktiń júregine shýaq uıalatty.
Azamıdiń de aıtqan lebizin aınytpaı usynýdy jón kórdik: – Sonaý 1944 jyly ata-ájem Qazaqstanǵa kelgen. Sodan beri qazaq jerindemiz. Men ózim túrik bolsam da, «qazaqpyn» deımin. Men Qazaqstanda týǵanyma maqtanamyn. Sondyqtan, jastardy eldiń tarıhyn bilýge, ony qurmetteýge shaqyramyn. Sonymen qatar, Erlan Qoshanov «Shaǵyn Otan» jobasy boıynsha óz usynystaryn bildirdi. «Bizdiń qalalar men kóptegen aýyldarymyzda jaqsy dástúr bar. Mektep bitirip ketken túlekter, on jyldyqta, jıyrma, otyz jyldyqta ózderi bilim alǵan oqý ordasynda jınalyp, aýylǵa kómek qolyn sozý, mektepke jóndeý jumystaryn júrgizý syndy ıgi ister atqarady. Os dástúrdi búkilhalyqtyq dárejege kótersek qalaı?» dedi ákim.
Kezdesý sońynda oblystyq QHA músheleri Memleket basshysynyń rýhanı jańǵyrtý jıyntyǵyn mindetterdi iske asyrý úshin barlyq kúsh-jigerin salýǵa turǵyndary úshin Úndeý qabyldady. Kezdesý sońynda oblystaǵy túrli ulttyq mádenı birlestikterge ákimniń arnaıy syılyqtary tabystaldy. Jıyrma tórt etno-mádenı birlestik 700 myń teńge kóleminde syıaqy aldy.
Mıras ASAN,
«Egemen Qazaqstan»
QARAǴANDY
