Balqash qalasyndaǵy R. Qoshqarbaev atyndaǵy tehnıkalyq kolledjde konstıtýsııalyq taqyrypta mazmundy kezdesý ótti. Is-sharaǵa Balqash qalalyq fılıalynyń jetekshisi Qanysh Ysqaq, qalalyq máslıhat depýtaty Aleksandra Aglıýkova jáne Otbasyn qoldaý ortalyǵynyń dırektory, QHP áıelder qanatynyń tóraıymy Áıgerim Kárimova qatysty. Olar oqytýshylar men stýdentterge usynylyp otyrǵan ózgeristerdiń mańyzyn jan-jaqty túsindirip, qatysýshylardyń suraqtaryna jaýap berdi.
«Mundaı ashyq dıalogtar jastardyń quqyqtyq saýattylyǵyn arttyryp, azamattyq belsendilikti nyǵaıtýǵa yqpal etedi», dep túıindedi partııa ókilderi.
Sonymen qatar, fılıal Konstıtýsııaǵa usynylǵan ózgeristerdi talqylaýǵa arnalǵan dóńgelek ústel uıymdastyrdy. Oǵan ártúrli deńgeıdegi máslıhat depýtattary, partııanyń saıası keńesi, oblystyq Qoǵamdyq keńes, Aqsaqaldar keńesi, QHP-nyń áıelder jáne jastar qanatynyń ókilderi, partııa belsendileri men buqaralyq aqparat quraldary qatysty. Zańger-sarapshylardyń qatysýymen jınalǵandar 6 túzetý usynysyn ázirlep, qabyldady. Bul usynystar Konstıtýsııalyq komıssııanyń qaraýyna joldanady.
QHP-nyń Pavlodar oblystyq fılıaly da óńirlik partııa aktıvimen aqparattyq-túsindirý kezdesýin ótkizdi. Talqylaý ashyq dıalog formatynda ótip, konstıtýsııalyq ózgeristerdiń máni, partııa ustanymy jáne reformalardy iske asyrýdaǵy qoǵamdyq-saıası ınstıtýttardyń róline basymdyq berildi.
QHP Pavlodar oblystyq fılıaly tóraǵasynyń mindetin atqarýshy Álimbek Aǵybaev óz baıandamasynda partııa usynylyp otyrǵan Konstıtýsııa jobasyn qoldaıtynyn jáne ony saıası reformalardyń qısyndy jalǵasy dep sanaıtynyn atap ótti.
«Jańa Konstıtýsııa jobasy jabyq sheshimderdiń nátıjesi emes. Ol búkilhalyqtyq keń aýqymdy talqylaýdyń qorytyndysy jáne qoǵamnyń neǵurlym ádil ári teńgerimdi saıası júıege degen suranysyn kórsetedi», dedi ol.
Fılıal tóraǵasynyń orynbasary Aleksandr Pysın partııa ishindegi túsindirý jumystarynyń mańyzyn atap ótti.
«Bizdiń mindetimiz – reformalardy jaı ǵana qoldaý emes, olardyń mánin halyqqa jetkizý. Konstıtýsııadaǵy ózgerister árbir azamattyń ómirine qalaı áser etetinin qarapaıym ári túsinikti tilmen túsindirýimiz qajet», dedi ol.
Jelezın aýdandyq máslıhatynyń depýtaty Evgenıı Mıronov ta óz pikirin bildirdi.
«Talqylaýdyń formaldy emes, naqty ótip jatqany mańyzdy. Partııa aktıvi úderiske belsendi qatysyp, suraqtar qoıyp, óz pikirin bildirip júr. Qazirgi Qazaqstannyń Konstıtýsııasy dál osylaı – dıalog pen qoǵamnyń qatysýy arqyly qalyptasýy tıis», dedi E.Mıronov.
QHP-nyń Atyraý oblystyq fılıaly da Konstıtýsııa jobasyn óz belsendilerimen talqylady. Fılıal tóraıymy Baljan Dosmuhambetova joba negizgi erejelerin egjeı-tegjeıli túsindirip, usynylyp otyrǵan normalardy halyqqa keńinen jetkizýdiń mańyzyn atap ótti.
