Ekonomıka taqyrybyna ekpin túsirildi

Almatyda BAQ betterinde ekonomıka jáne bıznes máse­le­lerin jarııalap júrgen qazaq tildi jýrnalıster úshin aqpa­rat­tyq bilim berý semınary bo­lyp ótti. Semınardy Qazaqstan baspasóz klýbynyń qoldaý kór­setýimen Baılanys jáne aqpa­rat mınıstrligi uıymdastyrdy. Mundaǵy negizgi maqsat – qazaq tildi BAQ betterinde ekonomıka máselelerin jarııalaý tıimdiligin arttyrý, ekonomıka taqyry­by jóninde derek kózin tabý jáne aqparat izdeý boıynsha jýrnalıster daǵdysyn damytý, memlekettik organdar baspasóz qyzmeti men buqaralyq aqparat quraldarynyń syndarly árip­tes­tigin qurý. Semınar jumy­syna iskerlik basylym jýrnalısteri, «general interest» (jal­py qyzyǵýshylyq) basylymda­rynda ekonomıka máselelerin jarııalaıtyn jýrnalıster, TV jáne aqparattyq agenttikter qyzmetkerleri men buqaralyq medıa salasynyń sarapshylary qatysty. Spıkerlerdiń baıandamala­ryn­da elimizdegi makroekono­mı­ka­lyq jaǵdaıǵa memlekettik aqsha-nesıe saıasatyna jáne ózge de máselelerge erekshe nazar aýdaryldy. Uıymdastyrý­shylar mashyqtandyrý jáne is-tájirıbe sabaqtaryn ótkizip, onda tyń taqyryptar qarasty­ryl­dy. Olardyń arasynda – aq­paratpen jumys jasaý, aq­parattyń sáıkestiligin tekserý, sarapshylardy izdeý, suhbatta­sý tehnıkasy, ekonomıkalyq jýrnalıstıkadaǵy aqparattyq sebepter, mátinmen jumys jasaý atty máseleler bar. Sońǵy ýaqytta BAQ ókilde­riniń iskerlik aqparat salasyn­da óziniń biliktiligin arttyrýǵa, ekonomıka jáne onyń zańdy­lyqtary, quraldary men tetikteri jónindegi bilimderin júıe­leýge qatysty umtylystary baı­qalýda, dep atap ótti semı­nar­dy uıymdastyrýshylar. Uıymdastyrýshylar osy ispettes is-sharalardy ótkizý BAQ-taǵy memlekettik tilde ja­rııalanatyn materıaldardyń sa­pasyn kóterýge jáne kásibı qazaq tildi jýrnalıstıkany damytý arqyly básekelestik aqparat alańyn qalyptas­tyrýǵa yqpal etetindigine senimdiligin bildirdi. Baqyt BALǴARINA. Almaty.