Matematık muǵalimderge quttyqtaý joldady

Búgin Astanada elimiz matematıka muǵalimderiniń I sezi óz jumysyn bastaıdy. Elbasy N.Nazarbaev osy quryl­taı­ǵa qatysýshylarǵa quttyqtaý joldady. Onda bylaı delingen: Bul mártebeli jıyn respýblıka úzdik matematıkteriniń, bilim berý salasy kóshbasshylarynyń, jetekshi ǵalymdardyń, belgili ádiskerler men jańashyl pedagogtardyń basyn qosyp otyr. Men elimizde sapaly bilim berý isindegi ustaz róliniń mańyzdylyǵyn túsiný qalyptasqanyn qanaǵat sezimmen atap ótkim keledi. Búgingi zaman talabyna saı muǵalim – ol rýhanı damyǵan, pedagogıkalyq tehnologııanyń qyr-syryn jetik meńgergen shyǵarmashyl tulǵa bolýy tıis. Munyń matematıka muǵalimderine de erekshe qatysy bar. Sebebi, elimizdiń jedel ındýstrııalyq-ınnovasııalyq  damýy jaǵdaıynda bazalyq tehnıkalyq pánderdiń biri retinde matematıka qazirgi zamanǵy bilim berýdiń aldyńǵy shebine shyǵyp otyr. Jańa zaman talaby matematıkalyq bilim berýdi jetildirip, onyń tıimdiligin arttyrýdyń naqty tetikterin aıqyndaý mindetin qoıady. Sondyqtan, osy forýmnyń jumysy barysynda syndarly kásibı pikir almasýlar bolyp, naqty ári qundy usynystar ortaǵa túsedi jáne ol basqa pánder úshin de úlgi bolady dep senemin. Sezd jumysyna iskerlik, al sizderge baqyt pen bereke, pedagogıka salasyndaǵy asa jaýapty ári qasterli qyzmette shyǵarmashylyq tabystar tileımin!