Sógetilikter ardagerlerin áspettedi

Elimizdiń barlyq óńirinde 9 mamyr – Jeńis kúnine arnalǵan is-sharalar ótti. Kóktemniń shýaqty kúni aldyńǵy tolqyn aǵa men keıingi tolqyn inini dıdarlastyryp, biri ótken kúnderden estelik aıtsa, ekinshileri uıyp tyńdady. Sondaı bir ádemi júzdesý Sógeti aýylynda da boldy. Ardagerler keńesiniń tór­aǵa­sy Álmish Qoshaqaev soǵystyń surapyl jyldaryndaǵy batyr uldar men batyl qyzdar týraly aıtyp, solardyń kún sanap azaı­yp bara jatqanynan, qazir keı aýyl­darda múlde qalmaǵanynan, tyl­daǵy eńbek te maıdannan kem bolmaǵanynan dálel-dáıekter kel­tirdi. Aýyl ákimi A.Qasha­ǵa­nov soǵys jáne eńbek ardagerlerine arnaıy alleıa jasalatynyn, onyń joba-jospary ázir tur­ǵa­nyn, bul ótken urpaqty máńgilik esten shyǵarmaý úshin atqary­la­ty­nyn jetkizdi. O.Jandosov atyn­daǵy mektep oqýshylary alýan túrli ónerlerin ortaǵa salyp, sporttyq oıyndaryn kórsetti. Sanaýly qalǵan soǵys jáne eńbek ardagerlerine aýyldan tú­lep ushqan qazaq sportynyń aıtý­ly ókili Ermurat Qaı­ypjanov, kásip­ker Sáken Ábdi­qalıev, ózge de azamattar syı-sııapat jasady. Ult­tyq at spor­tyn jańǵyrtyp, 5 komandadan turatyn kókparshylar arasynda saıys ótkizip, baǵaly syı­lyqtar tapsyrdy. Almatydan arnaıy kel­gen «Baýyrjan-shoý­dyń» ár­tis­teri óner kórsetip, jı­ylǵan jurtty bir serpiltip tas­tady. Sol sekildi erkin kúresten Qazaqstan chempıony, 10-synyp oqýshysy Ulbolsyn Qojaberdiniń taıaýda Túrkııada ótetin álemdik jarysqa alǵan joldamasynyń jol shy­ǵy­nyn aýyldan shyqqan, elimizdiń ár óńirinde turyp jatqan san túrli sala mamandary kóterip, qomaqty qarjyny aqjol tilep onyń qolyna tapsyrdy. Súleımen MÁMET. Almaty oblysy, Eńbekshiqazaq aýdany.