Korporasııa kómegi

О́z jerimizdiń baılyǵy shetke ketpeı óz qolymyzǵa tıdi degen osy. Elimizdiń táýelsizdik  alýynyń 20 jyldyǵyn merekeleý qarsańynda Eýrazııalyq tabıǵı resýrstar korpora­sııa­sy  oblystyń órkendeýi úshin  2,4 mlrd. teńge bóletin bol­dy. ENRC – bul bizdiń jerimizdegi paıdaly qazbalardy qa­zyp alý jáne baıytý salasyndaǵy jetekshi ártarapty kompanııalar shoǵyry bolyp tabylady.  Toptyń óndiristik aktıvteri de negizinen elimizde ornalasqan jáne quramyna Qaz­hrom TUK, Jáırem KBK, Sokolov-Sarybaı taý-ken baıytý ón­diristik birlestigi, Qazaqstan alıýmınııi, Qazaqstan elek­tro­lız zaýyty, Eýrazııalyq energetıkalyq korporasııa, ENRC Logistics sııaqty  kásiporyndar kiredi. Sóıtip,  ENRC jáne  oblys ákimdigi  bıylǵy jylǵy áleýmettik jobalardy jú­ze­ge asyrý boıynsha áriptestik týraly memorandýmǵa  qol qoıdy. Bul – oblys ákimdigi men ENRC PLC kompanııasy ara­syn­daǵy óndiristi óńirdiń áleý­met­tik damýyna baǵyttalǵan árip­testik baılanystar odan ári ny­ǵaıa tústi degen sóz. О́ńirdi qar­jy­lyq qoldaý birqatar ekono­mı­ka­lyq, áleýmettik jáne mádenı jobalardy iske asyrý arqyly júzege asyrylady. Mysaly, memorandým aıasynda oblystaǵy aýdan ortalyqtary men qalalar­da­ǵy  aýrýhanalarǵa quny 311 mıllıon teńge turatyn medısınalyq qural-jabdyqtar satyp alyna­dy. Al, óndiristi Aqsý qalasynda sport-saýyqtyrý kesheniniń qu­ry­lysy júrgizilýde. Turǵyn úı qurylysy qashanda bolsyn ha­lyq úshin negizgi basym­dyq­tar­dyń biri bolyp sanalady. Osy­ǵan oraı korporasııa kómegi ar­qy­ly oblys or­ta­lyǵynda 144 páterli túrǵyn úı men Aqsý qa­la­synda 64 páterli tur­ǵyn úı sa­ly­natyn bolady. Kor­porasııa jer­gilikti jerdegi  mek­tepke deıingi, jalpy bilim beretin mektepter jáne ortasha teh­nı­kalyq bilim beretin oqý oryn­daryna, mádenıet jáne óner mekemelerine, meshitter men shirkeýlerge qaı­yrymdylyq kómekterin jal­­ǵastyra beredi. Sonymen qatar, bulardyń qatarynda ardagerler men múgedekterge, qoǵam­nyń muq­taj toptaryna qoldaý kórsetetin balalar úıleri, ınternattar, qart­tar úıleri, Qyzyl jar­ty aı qoǵamy bar.  ENRC óz kásip­oryn­dary orna­las­qan óńir­ler­de sport­tyń damýy­na aıryqsha úles qosady. Bıyl jergilikti «Ertis» fýtbol koman­dasyna da 450 mıllıon teńge demeýshilik kómek berse, aldaǵy ýaqytta «Ústel ten­nısiniń federasııasy» AQ, «Voleıbol klýby» QQ jáne olım­pıa­dalyq rezerv mektepteri de qarjylaı kómek ala alady. Jalpy, ekijaqty  memorandým boıynsha oblys kóle­min­de iske asyrylatyn 36 joba qaras­tyrylǵan. Sondyq­tan, memorandým aıasyndaǵy  bul jo­ba­lardy qarjylandyrý «ENRC Kó­mek» korporatıvtik qaıy­rym­dylyq qory men ENRC quramyna kiretin «Eýrazııalyq energetıkalyq korporasııa» AQ, «Qazaqstan alıý­mınııi» AQ, «Qazaqstan elek­trolız zaýyty» AQ jáne «Qazhrom» TUK» AQ arqyly júzege asyrylady. – Bizdiń kásiporyndar orna­lasqan óńirlerdiń áleýmettik-eko­no­mıkalyq damýy men sol óńir­ler­degi túrǵyndardyń aman-saý­ly­ǵy ENRC úshin asa mańyzdy. Bo­la­shaqta da biz osy baǵyttaǵy ju­mys­ty odan ári jalǵastyratyn bo­lamyz, – dep atap ótti ENRC bas­shylarynyń biri Felıks Výlıs. Farıda BYQAI. Pavlodar.