Brıtan soty Ábilázovtiń aıyptaryn ádiletsiz dep tapty

Brıtan soty qazaqstandyq BTA banktiń onyń burynǵy basshysy Muhtar Ábilázovtiń atyna jazǵan talap aryzynyń saıası astary bar dep moıyndaýdan bas tartty jáne banktiń burynǵy basshyǵa taqqan kinálarynyń zańdylyǵyn rastady. RIA Novostı agenttigine kelip túsken Koroldik sottyń kommersııalyq bóliminiń sýdıasy Naıdjel Tırdiń sheshiminde osylaı dep atap kórsetilgen. Ol jaýap berýshi jaqtyń Londonda turyp jatqan Ábilázovke qarsy talap  aryzdyń saıası astary bar jáne onyń artynda Qazaqstannyń qazirgi basshylyǵy tur dep kórsetilgen apellıasııasyn qaraǵan bolatyn. 2009 jyly BTA banktiń qazaqstandyq «Samuryq-Qazyna» egemendi qorynyń baqylaýyna kóshkeni belgili. «Men talap aryzdyń ádil emestigi jáne sot prosesin burmalaý týraly aıtylǵandar birqatar sebepterge baılanysty shyndyqqa sáıkespeıdi degen qorytyndyǵa keldim», dep atap kórsetilgen sýdıa sheshiminde. Brıtan soty, birinshiden, BTA banktiń, óziniń bas aksıonerine («Samuryq-Qazyna») jáne Qazaqstan Prezıdentine táýelsiz, derbes zańdy birlik retinde qalyp otyrǵanyn moıyndady. Ekinshiden, banktiń ol «Samuryq-Qazyna» qory­nyń baqylaýyna kóshpeı turyp-aq Ábilázovke qarsy talap aryz berýge óz sebepteri bolǵan. Ábilázovke qatysty qylmystyq is 2009 jyly, memleket BTA banktiń kapıtalyna engennen keıin qozǵaldy. Qylmystyq is qozǵalǵannan keıin Ábilázov elden qashyp ketti, ózin qýdalaýdyń saıası astary bar degen jeleýmen ol búginde Ulybrıtanııada turyp jatyr. Osylaısha BTA banktiń burynǵy basshysyna qarsy somasy 4 mıllıard dollardan asatyn isti odan ári jalǵastyra beretin bolady. Osy oraıda, atalmysh banktiń búkil aktıviniń qazirgi kúni sot belgilegen KPMG kompanııasynyń basqarýynda turǵanyn aıta ketý qajet. Ábilázovtiń zańsyz jymqyrǵan qarjysynyń somasy shamamen 7 mıllıard dollardy quraıdy. Qazaqstandyq bıznesmenge jeti ret sottyń talap aryzy berildi, biraq kásipkerdiń ózi olardyń báriniń de saıası astary bar degen sózin qaıtalaýdan tanbaı keledi. Sóz sońynda osy keltirilgen aqparatty RIA Novostı agenttigimen bir mezgilde Reseı quqyqtyq jáne sot aqparattary agenttiginiń, «Dıapazon» on-laın gazetiniń, Kazakhstan Today agenttiginiń habarlaǵanyn aıta ketý kerek.