О́nerde joq shekara

«Qazaqstan» Ortalyq konsert zalynda Shanhaı ynty­maq­tas­tyq uıymyna múshe memleketterdiń О́ner festıvali jáne EýrAzEQ ha­lyqtary mádenıetteri II festı­vali­niń ashylý saltanaty ótti. Bıylǵy jyl Qazaqstan tarıhynda eki úlken jańalyqpen este qalary sózsiz. Onyń biri Táýelsizdigimizdiń 20 jyldyq mereıtoıy bolsa, ekinshisi 10 jyldyq mereıtoıyn ótkizip otyrǵan Shanhaı yntymaqtastyq uıymy Sammıtindegi Qazaqstannyń tóraǵalyǵy. Esterińizge sala keteıik, qazaq jerinde osymen ekinshi ret ótkizilip otyrǵan ShYU Sammıti alǵash ret 2005 jyly ótkizilgen bolatyn. Eýrazııalyq ekonomıkalyq qaýym­das­tyǵy ıntegrasııalyq komıtetiniń má­denıet boıynsha keńesiniń jına­ly­sy men Shanhaı yntymaqtastyq uıy­myna kiretin memleketterdiń máde­nıet mınıstrleriniń   jınalysy aıasynda ót­ken EýrAzEQ jáne ShYU ókilderi-memle­ket­teriniń mádenıet fes­tıvaliniń konserttik baǵ­darlama­synda Re­seı, Qy­taı, Qyrǵyz­stan, Tá­jik­stan, Belorýssııa, Qa­zaqstan ártis­teri óz óner­lerin kórsetti. Dástúr boıynsha ma­myr aıy – elimizde Qa­zaq­stan halqynyń birligine arnalǵan. Soǵan oraı EýrAzEQ máde­nıetteri festıvali Qa­zaq­stannyń basqa qala­larynda da óz jalǵasyn tappaq. Búgin elimizdiń eki qalasynda jeke konsert uıymdastyrylady dep kútilýde. Iаǵnı, Kókshetaý qalasynyń fı­­larmonııasynda, Qa­ra­ǵandy qalasy­nyń K.Stanıslavskıı atyndaǵy orys drama teatrynda osyn­daı konsertter ótpek. Onda Qytaıdyń  Szılın aımaǵynyń án jáne bı ansambli, Reseı Federasııasynan «Boıan» mem­lekettik orys akademııalyq teatry, Tá­jik­stan memleketinen «Lola» memlekettik bı ansambli, Qyrǵyzstan elinen «Shat­­tyq» halyqtyq horeo­gra­fııalyq jáne «Aqaq» ansamblderi óz ónerlerin sarapqa salady. Bir aıta ketetin jaıt, EýrAzEQ halyqtary mádenıetteriniń II fes­tıvaliniń jabylý rásimi 21 mamyr kúni elordadaǵy Kongress-holl konsert zalynda ótedi. Onda óz óner­pazdarymyzben qatar, Reseı Fe­de­rasııasynyń, Qyrǵyzstan, Tájik­stan elderiniń ártisteri de óner kórsetpek. Juldyz BAIDILDA.