Patrıottyq aksııany Aqmola oblysynyń ákimi Sergeı Dıachenko quttyqtaý sózben ashyp, jastar bastamasynyń baıandy bolýyna tilektestik bildirdi. Búgingi kúni aımaqta quramyna 12 myńnan astam stýdent pen oqýshy jastardy biriktiretin 570 eńbek jáne 2 myń adamdy quraıtyn 98 «Jasyl el» otrıadtary qurylǵan. Olar aýyl, qalalardy abattandyrý men kógaldandyrý jumystarymen, pedagogıkalyq tárbıe isimen, egistik alqaptarda jáne qurylys alańdarynda jemisti eńbegimen tanylýda. О́tken jyly stýdenttik qurylys otrıadtary 1,5 mıllıard teńgeniń jumysyn atqardy.
Baqbergen AMALBEK. Aqmola oblysy.
AÝYLDARDA ATQARYLǴAN IGI ISTER KО́P. Oblys ákimi Serik Bilálovtiń bastamasymen el Táýelsizdiginiń 20 jyldyǵyna arnalǵan «20 ıgi is» atty aksııa eldi mekenderde de jalǵasyp, Alashtyń aqıyq aqyny Maǵjannyń týǵan jeri – M.Jumabaev aýdanynan bastaý aldy. Aımaq basshysy bastaǵan top Sartomar aýylynda bolyp, kóptegen tartýlar jasady. Meshittiń jóndeý jumystaryna qarjy bólinetin boldy. 300-ge tarta adamǵa qyzmet kórsetetin medısınalyq qosynǵa fızıokabınet tabys etildi. Mundaǵy murajaıda 300-den astam jádiger saqtaýly. Onyń qataryn aqynnyń 200-deı jańa týyndylary tolyqtyrdy. Buǵan qosa túrli-tústi teledıdar men kompıýter syıǵa tartyldy. Mektep oqýshylary da syı-sııapatqa ıe boldy. Olarǵa kúres kilemi, ústel tennısi, sport jabdyqtary berildi.
О́mir ESQALI. Soltústik Qazaqstan oblysy, M. Jumabaev aýdany.
QOLО́NER KО́RMESI ATAÝY – «JAÝQAZYN». Batys Qazaqstan oblystyq tarıhı-ólketaný murajaıynda jas jetkinshekterdiń «Jaýqazyn» atty qolóner týyndylarynyń kórmesi ashyldy. Onyń basty maqsaty – aýyl balalarynyń shyǵarmashylyǵyn qoldaý. Kórme jyl aıaǵyna deıin jalǵasyp, oǵan oblystyń barlyq aýdandarynyń oqýshylary qatyspaq. Kórmege kelýshilerdiń joǵary baǵasyn alǵan jıyrma jas talanttyń esimi táýelsizdik merekesi qarsańynda anyqtalmaq. Oblys ortalyǵynyń turǵyndary birinshi kezekte shalǵaıdaǵy Jańaqala jáne Qaratóbe aýdandary jetkinshekteriniń beıneleý óneri men ulttyq qolóner isindegi balaýsa týyndylarymen jáne sándik-qoldanbaly sıpattaǵy tuńǵysh buıymdarymen tanysty.
Temir QUSAIYN. Oral.
EL ATAǴYN ShYǴARǴAN ERGE QURMET. Qazaqstannyń Halyq Qaharmany, partızan-jazýshy Qasym Qaısenov –Ulan aýdanynyń týmasy. Jaqynda atalǵan aýdannyń I.Aıtyqov aýylynda «Er ataǵyn el saqtar» degen taqyrypta jerlesimizdiń týǵan kúnine oraı aıtýly shara bolyp ótti. Oǵan aýyl turǵyndary, mektep oqýshylary qatysty. Oqýshylar Q.Qaısenov týraly derekti fılmderdi tamashalap, Batyrlar alleıasyna kóshetter otyrǵyzdy. Sonymen birge, Tarǵyn aýyldyq okrýginde bokstan mektep oqýshylary arasynda týrnır bolyp ótti.
Ońdasyn ELÝBAI. Shyǵys Qazaqstan oblysy.
«QAZFOSFAT» PEN «FOSFA A.S.» JOBASY. Jambyl oblysynyń ákimi Qanat Bozymbaev ótken aptada Chehııanyń Qazaqstan men Qyrǵyzstandaǵy Tótenshe jáne ókiletti elshisi Bedrjıh Kopeskı men chehııalyq «Fosfa a.s.» kompanııasynyń basshysyn qabyldady. Eki jaqty múddeli áńgimede «Qazfosfat» JShS men cheh kompanııasy arasynda geksametafosfat jáne fosforlyq tuzdar shyǵaratyn óndiristi iske qosý týraly qujatqa qol qoıyldy. Geksametafosfat, negizinen, tamaq, sellıýloza, qurylys materıaldary jáne turmystyq hımııa ónerkásibinde qoldanylady. Jańa joba jeltoqsan aıynda jumysyn bastamaqshy.
Kósemáli SÁTTIBAIULY. Jambyl oblysy.
SÝARMALY JERLER KО́BEIETIN BOLDY. Aımaqty azyq-túlikpen jetkilikti qamtamasyz etý – búgingi kúnniń ózekti máselesi. Oblystyq ákimdikte osy taqyrypqa baılanysty aýyl sharýashylyǵy basqarmasynyń bastyǵy Qanatbek Ospanbekovtiń esebi tyńdaldy. Kókónis, baý-baqsha ónimderin ózgelerge qaraǵanda kóp óndiretin Ońtústiktiń daqyldary ózge oblystarǵa kóp saýdalanatyndyqtan, kúzge salym ózin qamtýǵa jetpeı qalady eken. Sondyqtan qosymsha 375,4 gektarǵa kartop, 143 gektarǵa sábiz egýge tapsyrma berildi. Oblys ákimi Asqar Myrzahmetov sýarmaly jer kólemin 1 mln. gektarǵa ulǵaıtý máselesin kóterdi.
Baqtııar TAIJAN. Ońtústik Qazaqstan oblysy.
SENATOR QURMETTI PROFESSOR ATANDY. О́zindik fılosofııalyq oılarymen, zertteýlerimen keńinen tanylǵan akademık, Parlament Senatynyń depýtaty Ǵarıfolla Esimdi atyraýlyqtar qurmet tutady. Ol ótken aptada H. Dosmuhamedov atyndaǵy Atyraý memlekettik ýnıversıtetiniń oqytýshy-professorlarymen, stýdentterimen kezdesti. «Qazaq eliniń basty qundylyqtarynyń biri –Táýelsizdik. Ony máńgilik etý – bárimizdiń mindetimiz» degen senator «Qazaq eli –2030» taqyryby aıasynda leksııa oqydy. Akademık-fılosof oqytýshylar men stýdentterdi tolǵandyrǵan saýaldarǵa jaýap qaıtardy. Ýnıversıtet rektory Altaı Qazmaǵanbetov Ǵarıfolla Esimge «Qurmetti professor» ataǵy berilgenin jarııalap, tıisti kýálikti tabystady.
Joldasbek ShО́PEǴUL. Atyraý oblysy.
