Sharaına

QAZA TAPQANDAR SANY – 12 Pákstandaǵy áskerı bazaǵa shabýyl jasaý barysynda qaza tapqandar sany 12 adamǵa jetti, dep habarlaıdy «Sınhýa» agenttigi. Aldyńǵy kúni talıbter avıabazany atqylap, granatalar laqtyrǵan bolatyn. Polısııanyń aıtýy boıynsha, garanatalarmen, reaktıvti snarıadtarmen jáne avtomattarmen qarýlanǵan 10-15 sodyr saǵat keshki besten keıin Mehran bazasyna shabýyl jasaǵan. Baza aýmaǵynda kem degende on jarylys bolyp, onyń sońy keskilesken atysqa ulasqan. Pákstan ókimeti qaza bolǵan 12 adamnyń ishinde 8 sodyr bar dep málimdep otyr. Oqıǵa oryn alǵan sátte Mehran bazasynda amerıkalyqtar bolmaǵan kórinedi. GRÝZIIаDA BILIK AÝYSA MA? Mıhaıl Saakashvılıdiń rejimine qarsy oppozısııanyń jappaı ereýilge shyǵýy revolıýsııalyq ahýaldan al­shaq, taıaý ýaqyttarda bıliktiń aýy­sýyn kútýdiń eshqandaı qısyny joq. Grýzııadaǵy ahýalǵa baılanysty RIA No­vostı agenttigine reseılik sarapshy­lar men  saıasattanýshylar osyndaı pikir bildirgen. 21 mamyrdan beri Grýzııada M.Saakashvılıdiń otstavkaǵa ketýin talap etken aksııalar ótýde. Tbılısı men Batýmıde ótip jatqan narazylyq sharalaryna birneshe myńdaǵan adamdar qatysýda. Oppozısııa lıderleriniń biri – parlamenttiń eks-spıkeri Nıno Býrdjanadze Tbılısıde ótken mıtıngide Grýzııada tóńkeristiń bastalǵanyn habarlap ta úlgerdi. KIM ChEN IR QYTAIDAN KEŃES SURADY Soltústik Koreıa basshysy Kım Chen Ir óz eliniń ekonomı­ka­lyq damýyna baılanysty keńes alý úshin Qytaıǵa keldi, dep ha­barlaıdy Frans-Press agenttigi. Kım Chen Irdiń Qytaıǵa sapary Qytaıdyń, Ońtústik Koreıanyń jáne Ja­po­nııanyń qatysýymen Tokıoda ótetin úsh­jaqty sammıt qarsańynda júzege asyp otyr. Aıta ketý kerek, el úkimetiniń sońǵy otyz jylda naryq ekonomı­ka­syn damytýǵa kóshýine baılanysty Qytaıda  ishki jalpy ónim kólemi 14 ese ósken. Soltústik Koreıa basshysynyń Qy­taıdan ekonomıkalyq keńes suraýyna da osy jaǵdaı sebep bolsa kerek.  Sońǵy jyl­dary Soltústik Koreıanyń aýyr ekonomıkalyq ahýaldy bastap keship otyrǵany belgili. Elde ásirese, azyq-túlik pen energoresýrstar tap­shylyǵy sezilýde. ALAPAT DAÝYL ZARDAPTARY AQSh-tyń Mıssýrı jáne Mı­n­nesota shtat­ta­ryn­da oryn al­ǵan tornadodan qaza tapqandar sany 31 adamǵa jetip otyr. Alapat daýyl 200-den astam qury­lysty qıratyp, tur­ǵyn úılerge orasan zor nuqsan keltirgen. Kem degende bes adam jaraqat alǵan kórinedi. Qalada elektr taratý jelileri men telefon baılanysy jumys istemeıdi. Birqatar shtattarda tabıǵat apatyna baılanysty tótenshe jaǵdaı ja­rııa­lanyp otyr. AQSh ókimeti qutqarýshylarǵa kómektesý úshin jibergen ulttyq gvardııa áskerıleri úıindiler astynda qalǵan jaralylardy qutqarýǵa járdemdesetin bolady. Sáýir aıynda AQSh-tyń ońtústik-shyǵysynda bolǵan tornado saldarynan 329 adam qaza tapqan edi. ELShIGE ShABÝYL JASALDY Iemende oryn alyp jatqan tártipsizdikter ba­ry­synda ótken jeksenbi kúni QHR-dyń osy eldegi elshisi otyrǵan avtomobıl kortejine shabýyl jasalǵan. Kortejge qarýlanyp alǵan adamdar shabýyl jasaǵan kórinedi, biraq olardy polısııa qýyp, taratyp jibergen. Dıp­lomattyń jaǵdaıy týraly ázirge eshqandaı málimet joq. Iemende úkimetke qarsy ereýilder áli kúnge jal­ǵasý­da. El prezıdenti Álı Abdalla Salıh Parsy Shyǵanaǵy elderi qyzmettestik keńesi ázirlegen bılikti beıbit túrde berý týraly kelisimge qol qoıýdan úshinshi ret qatarynan bas tartyp otyr. JANARTAÝ KÚLI NORVEGIIаǴA JETTI Islandııanyń Grımsvotn janar­taýy­nyń at­qy­laýynan paıda bolǵan kúl Norvegııaǵa deıin jetti. Seısenbi, 24 mamyr kúni janartaý bulty Ulybrı­ta­nııa­ǵa deıin jetedi degen boljam bar. Olaı bolsa Eýropanyń avıasııa áleminiń aldyna Birikken Koroldik ústimen ushaqtardyń ushýyna tyıym salyna ma, joq pa degen saýal týyndaıtyn bolady. О́tken jylǵy «uly janartaý ábigeri» de dál osy elde bastalǵan bolatyn. Onda Ulybrıtanııanyń avıasııalyq bıligi sáýir aıynda eldiń áýe keńistigin birinshi bolyp jaýyp tastaǵan edi. Fransııa kólik mınıstrligi eger kúl Fransııaǵa deıin jetetin bolsa, el ókimetiniń ushýlarǵa tyıym salýy múmkin ekenin qazirdiń ózinde málimdep otyr. OMAR TÝRALY SYBYS ShYNDYǴY «Talıban» ıslamıstik qozǵalysy ózderiniń kósemi Mohammed Omardyń qaza tapqany týraly habardy teriske shyǵaryp otyr, dep habarlaıdy Assosheıted Press agenttigi. Talıbterdiń ókili Zabıýlla Mýdjahıd agenttikke Omar moldanyń kózi joıylǵandyǵy týraly sybystyń bar bolǵany «nasıhat» qana bolyp tabylatynyn jetkizgen. Onyń aıtýynsha, «Talıbannyń» kósemi qazirgi kezde Aýǵanstanda jaýyngerlik operasııalarǵa basshylyq jasaýda. Al Omar moldanyń qaza bolǵany týraly 23 mamyr kúni aýǵandyq Tolo telearnasy habarlaǵan bolatyn. Internet materıaldary negizinde ázirlendi.