Álem qazaqtary bas qosady

Bes jylda bir ret ótkizilip tu­ratyn álem qazaqtarynyń quryl­taıy elimizdiń saıası-qoǵamdyq ómi­rindegi mańyzdy oqı­ǵa desek, artyq aıtqandyq emes. Atalǵan tarıhı sharanyń negizgi maqsaty – shetelderde ómir súrip jatqan ós­ke­leń ur­paqty atamekenge bet bur­ǵyzý máselesin kóterý jáne kelgen qandastarymyzdy memleket tara­py­nan qoldap, jaǵdaı jasap oty­rý. Sonymen qatar, quryltaı ba­rysynda shetelderde turatyn qa­zaq jastarynyń jáne Qazaq elinde bilim alyp jatqan baýyrla­ry­myz­dyń ul-qyz­darynyń Otanǵa degen súıispenshiligin arttyrý, elim bar eken degen uǵymdy qa­lyptastyrý. Bul jeri keń, halqy az elimizdegi demografııalyq ahýal­dy jaqsar­týǵa da septigin tıgizeri kúmánsiz. Alqaly jıyn Astana qalasyn­da 25-27 mamyr aralyǵynda ótedi. Bul qu­ryl­taıdyń ózge quryl­taı­dan aıyrmashy­ly­ǵyna keletin bolsaq, osy joly basqa elderdegi jastar men jastar uıymdarynyń, stýdentter birlestikteriniń kósh­bas­­shy­lary shaqyrylyp otyr. Jı­ynǵa álemniń 35 elinde turyp jat­qan qandastarymyzdan 380-ge jýyq ókil­­men birge, qazaqstandyq delegattar qatysatynyn da nazarǵa sala ketsek deımiz. Delegattar qatarynda qazaq halqy­nyń mádenıeti men dástúrin, qazaq tilin damytý men nasıhattaýda keńinen tany­mal qoǵam qaırat­kerleri, shyǵarma­shy­lyq, ǵylymı-pedagogıkalyq, zııatkerlik, bıznes, sport, memlekettik jáne qoǵam­dyq uıymdardyń, buqaralyq aqparat quraldarynyń ókilderi bar. Atap aıt­qanda, quryltaı jumysyna Chehııanyń eks-mınıstri Jámıla Stehlıkova, Chýva­shııanyń ekonomı­ka­lyq damý eks-mınıstri, qazir Cheboksary joǵary oqý ornynyń dosenti Gúlmıra Akımova, Moń­ǵo­lııanyń oqý-ǵylym jáne mádenıet mınıstriniń orynbasary Kúlánda Chonoı, máskeýlik professor Náıla Bekmahanova, tehnıka ǵy­lym­dary­nyń doktorlary Dáýlet Muha­med­januly men Asqar Dáý­letuly, armres­tlıng jóninen Iran chem­pı­o­ny Júsip Shatkam, t.b. qatysady. Osy arada quryltaı delegat­ta­ry­nyń 60 paıyzyn jastar quraıtynyn aıta ketkenimiz lázim. Olardyń qatarynda Germanııa, Shve­sııa, Avstrııa, Gollandııa, Norvegııa, Ulybrıtanııa, Mońǵolııa, Túr­­kııa, Reseı, Qyrǵyzstan, О́z­bek­stan men Qazaqstan sportshylary, stýdentteri, magıstranttary men oqýshylary bar. Dúnıejúzi qazaqtarynyń tór­tin­shi quryltaıy 25 mamyr kúni Táýelsizdik saraıynda salta­nat­ty túrde ashylyp, onda Qazaq eli­niń Prezıdenti, Dúnıe­júzi qazaqtary qaýymdastyǵy Tóral­qasynyń Tóraǵasy Nursultan Nazarbaev qatysady dep kúti­lýde. Sol kúni atajurtyna kelgen baýyrlarymyz «Qyz Jibek» operasynyń qoıylymyn tam­a­sha­laıdy. Al 26 mamyr kúni qo­naqtardyń qurmetine «Atameken» kesheninde «Etnoaýyldyń» ashylýy bolady. Sonymen qatar, birqatar mınıstrlikterde qazaq dıasporasynyń ózekti máse­­le­le­ri boıynsha dóńgelek ústelder ótkizilip, mekeme basshy­larymen kezdesýler ótedi. 27 mamyr kúni is-sharalar Q.Muńaıtpasov atyn­daǵy ortalyq stadıonda shetelden kelgen qazaq jastarynyń fýtbol týrnırine jáne ulttyq sport oıyn­da­ry­na jalǵasady. Prezıdenttik mádenıet ortaly­ǵynda shetel qazaqtarynyń qol­óner sheberleri kórmesi uıym­das­tyrylyp, sońynan aqyn­dar­dyń halyqaralyq jyr músháı­rasy, ata-jurtyn ańsap kelgen jastardyń konserti ótkiziledi. Sóıtip, elim, jerim dep kelgen aǵaıyndar úsh kún boıy elordada alýan túrli sharalardyń kýási bolady. Súleımen MÁMET.