Ońdy ister bar. Biraq toqmeıilsýge bolmaıdy

Keshe Májilis Tóraǵasynyń orynbasary Vladımır Bobrovtyń jetekshiligimen «Qazaqstan Respýblıkasyndaǵy bilim men ǵylymnyń damýy» taqyrybynda úkimet saǵaty bolyp, onda Bilim jáne ǵylym mınıstri sóz sóıledi. Baqytjan Jumaǵulov óz sózinde bilim berýdi damytý ındeksi (BDI) boıynsha sońǵy úsh jylda Qazaq­stan 129 eldiń ishinde kóshbas­shy­lardyń tórttigine engendigin erekshe atap ótti. Bul kórsetkish boı­ynsha Belarýs 26-orynda, Grýzııa – 30, Tájikstan – 31, Qyrǵyzstan – 42, Armenııa – 43, О́zbekstan – 48, Ýkraına – 53 jáne Moldova 59- orynda kórinedi. Byltyr Adamı damý ındeksi (ADI) boıynsha Qazaq­stan alǵash ret damý dárejesi joǵa­ry elderdiń tizbesine enip, 66- oryndy ıelengen. «Bıylǵy jyly jarııalanǵan Ulttyq ál-aýqat boı­ynsha bedeldi halyqaralyq reıtıng nátıjeleri boıynsha Qazaqstan álem­niń 110 eliniń ishinde 50-oryn­da», dedi Baqytjan Tursynuly. Reıtıngtegi oryndar negizgi segiz ındeks boıynsha anyqtalsa, onyń biri – bilim berý sapasy. Bilim berý ındeksi boıynsha Qazaqstan 110 eldiń ishinde 46-shy orynda tur eken. Ekinshi blok bilim jáne ǵy­lym salasynyń negizgi nátı­je­lerine arnaldy. Mınıstr osy rette elimizde myqty quqyqtyq baza qury­lyp, bilim berýdi da­mytýdyń taıaý­daǵy on jyldyqqa arnalǵan memlekettik baǵ­darlamasy ázirlengen­di­gin tilge tıek etti. Sońǵy 10 jylda bilim berýdi qarjy­lan­dyrý 7,5 ese artqan. Ǵylymdy qarjylandyrý da ósken. «Balapan» baǵdar­lamasy belsendi túrde iske asy­rylýda. Sońǵy 5 jyl ishinde 490 jańa mektep saly­nypty. Nazarbaev zııatkerlik mektepter jelisi qurylýda. Bilim berýdi damytýdyń 2011-2020 jyldarǵa arnalǵan memlekettik baǵdarlamasyn iske asyrýdyń basym baǵyttary da nazardan tys qalǵan joq. Mınıstr osy oraıda memlekettiń muǵalim mártebesin arttyrýda mańyzdy qadam jasa­ǵandyǵyna erekshe toqtaldy. 1 qyrkúıekten bastap muǵalimder men óndiristik oqytý sheberleri biliktilik sanaty úshin bazalyq laýazymdyq jalaqydan 100 paı­yzǵa deıin qosymsha tólemaqy ala­dy. Osy maqsat úshin respýb­lıkalyq bıýdjetten qosymsha 5,3 mlrd. teńge bólingen. Mınıstr bilim men ǵylym salasy boıynsha elimizde atqary­lyp jatqan basqa jumystar jaıynan da qulaǵdar etip, bolashaq josparlar týraly da jan-jaqty áńgimeledi. Úkimet saǵatynda E.Nyǵ­ma­tý­lın, Sh. Myrzahmetov, V.Nehoroshev, R.Halmuradov, Z.Balıeva, Q.Ydyrysov, t.b. depýtattar mınıstrge elimizdegi bilim men ǵylymǵa qatysty suraqtar qoıdy. Oty­rysty V.Bobrov qorytyndylady. Asqar TURAPBAIULY.