QPO D tehnologııalyq jelisin paıdalanýǵa qosty

14 maýsymda «Qara­shyǵa­naq Petrolıým Opereı­tıng B.V» (QPO) kompa­nııasy Qa­ra­shyǵanaq óńdeý kesheninde (QО́K) suıyq kómir­sý­tek­terin turaqtandyrýdyń qo­symsha tehno­lo­gııalyq jelisin paı­dalanýǵa oıdaǵydaı iske qos­qandyǵy tý­raly habarlady. QО́K-te jańa munaı óńdeý qýattylyǵyn iske qosý qazirgi qol­da­nys­taǵy úsh tehnolo­gııa­lyq jelini turaqtandyrýǵa qo­sym­sha bolady, jy­lyna konden­sat óndirisin 2,57 mln. tonnaǵa arttyrýǵa múmkindik beredi. QО́K Qarashyǵanaq ken or­nyn­daǵy negizgi munaı óńdeý zaýyty bolyp tabylady, bul jerde óńdelgen munaı Atyraý arqyly halyqaralyq ry­nok­tarǵa eks­port­talady. Zaýytta sondaı-aq ken ornynyń elektr stansasy úshin otyn gazynyń jáne jergilikti tutyný úshin gaz óndirisi júzege asyrylady. QPO-nyń D qosymsha tehno­logııalyq jelisiniń qurylysyna jumsa­ǵan kúrdeli qarjysynyń jalpy kólemi bir mıllıard AQSh dollarynan asyp jyǵyl­dy. Negizgi jumystardy 14 qa­zaqstandyq kompanııanyń merdigerleri atqardy, olar Qazaq­stan­da 650 mıllıon AQSh dollaryn ıgerdi. Qurylys kezinde 2 900-den astam qazaqstandyq maman jumysqa tartyldy. Jobanyń aıaqtalýyna túsi­nik­te­me bere otyryp, QPO-nyń bas dı­rek­to­ry Djýzeppe Pazı by­laı dedi: «Biz paıdalanýǵa taǵy bir óndiristik qýat­ty­lyq­ty iske qostyq, osylaısha Q­a­rashyǵanaq ken ornyn ıgerýde kúrdeli ınvestısııalar boı­yn­sha QPO min­dette­meleriniń or­yndalýyn ras­taı­ty­nyn taǵy bir dáleldedik». Temir QUSAIYN, Batys Qazaqstan oblysy, Aqsaı qalasy.