Uıymdasqan qylmystyq top jazasyn tartpaq

Almatyda «Nurbank» AQ-tyń top-menedjerleri Joldas Temirálıev pen Aıbar Hasenovti qasaqana óltirý faktisi boıynsha qozǵalǵan qylmystyq isti tergeý nátıjelerine arnalǵan baspasóz máslı­haty bolyp ótti. Ishki ister mınıstrliginiń Almaty qalasyn­daǵy ókildiginiń ǵımaratynda ótken jıynǵa Bas prokýra­týranyń Tergeý zańdylyǵyn qadaǵalaý jáne tergeý júrgizý departamentiniń bastyǵy Nurmuhan Isaev, IIM Tergeý komıteti basqarmasynyń bastyǵy Gashı Mashanlo, Berlın medısına ýnıversıteti «Sharıte» quqyqtyq medısına ınstıtýtynyń dırek­tory, professor Mıhael Tsokos jáne basqalar qatysty. Jıynda sóz alǵan Bas pro­kýra­týranyń Tergeý zańdylyǵyn qa­d­aǵalaý jáne tergeý júrgizý de­par­­tamentiniń bastyǵy Nurmuhan Isaev jınalǵandarǵa quramynda R.Álıev, V.Koshlıak jáne Q.Ákim­qulov bar qyl­­mystyq toptyń uıymdasty­rýy­­men bolǵan jantúrshigerlik qyl­mys jáne osy qylmystyq iske baılanysty tergeý qorytyndy­lary týraly jan-jaqty baıandap berdi. – Kópshilikke belgili, «Nur­bank­­­tiń» top-menedjerleri J.Te­mir­álıev pen A.Hasenovtiń máıi­t­teri­niń tabylǵany jóninde baspa­sóz­de keńinen jazyldy. Búgingi basqosýda sol qylmystyq iske baı­lanysty júrgizilgen tergeý ju­mystarynyń qorytyndysyn, ıaǵnı saraptama ná­tıjelerin aıt­paq­pyz. 2007 jyldyń 31 qańta­ryn­da R.Álıevtiń, V.Koshlıak­tiń jáne Q.Ákimqulovtyń basshyly­ǵyn­daǵy qylmystyq toptyń múshe­leri sol bank basqarma tóraǵas­y­nyń bu­ryn­ǵy orynbasary J.Te­mir­álıev pen ákimshilik-sharýashy­lyq bas­qar­masynyń burynǵy bas­ty­ǵy A.Hasenovti urlaǵan bolatyn. Mine, osy fakt boıynsha Al­maty qalalyq IID Qylmystyq kodekstiń 125-babynyń 3-bóligi­men (adam urlaý) jáne 235-baby­nyń 1-bóligimen (uıymdasqan qyl­mys­tyq top qurý jáne ony basqarý) kózdelgen qylmys belgileri bo­ıynsha qylmystyq is qoz­ǵaǵan edi. Al, endi bul qyl­mys­tyq isti tergeý 2007 jyldyń kúzinde aıaq­talyp, keler jyldyń qańtar aıyn­da R.Álıev, V.Koshlıak, Q.Ákim­­qulov jáne ózge de adamdar osy, sondaı-aq basqa da birqatar qyl­mys­tary úshin Almaty qalasy Al­maly aý­dan­dyq sotynyń úkimimen sottal­ǵandyǵy barshaǵa málim. Adam urlaý faktisin tergeý kezinde-aq QK-niń 99-babynyń 2-bóligi­niń (qasaqana adam óltirý) belgileri boıynsha qylmystyq is qozǵaldy. О́ıt­keni, sol kezdiń ózin­de tergeý oryndarynda jábirlený­shiler qyl­myskerler qurbandy­ǵy­na aınaldy dep uıǵarýyna negiz boldy. Qylmys­tyq qýdalaý organ­dary urlanǵan­dardyń qaı jerde ekendigin anyq­taý ba­ǵytyndaǵy is-sharalardy tórt jyl boıy jal­ǵastyrdy. Atap aıtar­ly­ǵy, ja­qyn­da ǵana, ıaǵnı 12 mamyrda Al­maty qalasynyń Remızov shat­qalynyń janynan Temir­álıev pen Hasenovtiń máıitteri tabyldy, – dedi Nurmuhan Mol­da­ly­uly. Anyǵyraq aıtqanda, olardyń máıiti Ál-Farabı dańǵyly, 16 «b» meken-jaıynda ornalasqan «Qaz­tele­radıo» AQ qoıma bazasynyń be­tondy qorshaýynan shyǵysqa qa­raı on metr qashyqtyq shama­syn­da, qu­ry­lys qoqystaryn tógýge ar­nalǵan arnaıy shuńqyrda, úsh-tórt metr ter­eńdikte temir bóshke­niń ishinen tabylǵan. Syıym­dy­ly­ǵy 200 lıtrlik ák salynǵan temir bóshke­niń ishinen belgisiz adam­nyń jar­ty­laı skelettelgen máıiti shyqty. Máıittiń basyndaǵy qara tústi toqyma bas kıimniń ústi­nen polı­etılendi paket kıgizilip, má­ıittiń moıny jeli symymen tar­ty­­lyp baılanǵan. «Oqıǵa bolǵan jerdi odan ári qaraý kezinde erteńine, ıaǵnı 13 mamyr kúni taǵy da bir ishine ák salynǵan 200 lıtr­lik temir bóshkeniń ishinen belgisiz adamnyń jartylaı skelettelgen máıiti ta­byl­dy», dedi óz só­zin odan ári jal­ǵastyrǵan Bas prokýratýra ókili Nurmuhan Isaev. J.Te­mir­álıev pen A.Ha­senov­ti qatygezdikpen ól­tirý fakti­sine baılanysty júrgi­zil­gen ter­geý ju­mys­tary, sondaı-aq sot-dá­ri­gerlik saraptama nátı­je­leri bir­qa­tar kú­mán­di seıiltip, aqıqattyń betin ash­ty. Bas­pasóz más­lıhatyna qatys­qan Nurmuhan Isaev, Gashı Mashanlo, Mıhael Tsokos jáne basqalar aý­qym­dy ári bultartpas naqty máli­metterdi jarııa etti. Sonymen, sala basshylarynyń aıtýynsha, tergeý ju­­mystary to­lyq­taı aıaqtalǵan. Qyl­­­mys­­ker­lerge ha­lyqaralyq izdeý ja­rııa­­lanyp, ekstra­dısııaǵa suraý joldanǵan. Baqyt BALǴARINA, Almaty.