Innovasııalyq mektep Mańǵystaýda halyqaralyq májilis ótkizdi

Aqtaýda «Qazatomónerkásip» ulttyq ak­sıonerlik kompanııasy men «Qazaqstan ıadrolyq qoǵamy» assosıasııasynyń uıym­­das­tyrýymen I halyqaralyq ınnova­sııa­lyq mektep konferensııasy bolyp ótti. Aımaq­tyń júregi atanatyn «MAEK-Qazatom­prom» jaýapkershiligi shekteýli seriktes­tigi­niń bazasynda bes kúnge so­zylǵan bas­qo­sýda atalmysh konferensııaǵa qosa ón­di­risti óńir úshin erekshe mańyzǵa ıe máse­le­ler­di arqaý etken «Energııa, hımııa jáne sý» atty dóńgelek ústel uıym­das­ty­ryl­dy. Alqaly jıynǵa Qazaqstan, Reseı, Uly­­brıtanııa, Germanııa, Fransııa, Belgııa sııaqty elderdiń ındýstrııalyq jáne ınjenerlik kompanııalarynyń jetekshi ma­mandary, ǵylymı ortalyqtary men ýnı­­ve­rsıtetteriniń ókilderi qatysty. Áń­gi­me arqaýy Aqtaý jáne Pavlodar qala­larynda ınnovasııalyq hımııalyq klaster qurý, energııany únemdeý tehnologııa­lary­nyń tájirıbesi men damý jaıy atom elektr stansasyn jobalaýdyń zamanaýı teh­nologııalary, VBER-300 reaktorlyq qon­dyrǵysyna arnalǵan ıadrolyq tushytý­dyń sınergetıkalyq tıimdiligi jáne jal­py «Qazatomónerkásip» kásiporyndary­nyń ınnovasııalyq damý máselesin talqy­laý boldy. Qazaqstandaǵy alǵashqy ınnovasııa­lyq mekteptiń ashylý saltanatynda «Qaz­atom­ónerkásip» ulttyq aksıonerlik kom­panııa­sy» AQ basqarma tóraǵasy Vladımır Shkolnık Elbasynyń tapsyrma­la­ry­na oraı atom ónerkásibi, energetı­ka­daǵy ǵy­ly­mı-tehnıkalyq damý salanyń ekono­mı­kalyq tıimdiligin qamtamasyz etip, báse­kege qabilettiligin arttyrý jaıy tý­ra­ly áńg­i­me­ledi. Al elimizdegi alǵashqy ınnov­a­sııa­lyq mekteptiń Aqtaýda ashy­lýy­nyń da ózin­dik sebebi bar. О́ıtkeni, Mańǵystaýda álemde alǵash ret jyldam neıtrondy BN-350 reaktory salynyp, iske qosyldy. Mań­­ǵystaýda álemge alǵash ret teńiz sýy tushytylyp, halyq kádesine jaratyldy. Kúni búginde óndiristi ólke sony jańa­lyq­tar men serpindi jobalar aımaǵyna aına­lyp otyrǵandyǵyn tilge tıek etti. Oblys ákimi Qyrymbek Kósher­baevtyń aımaqtaǵy ındýstrııalyq-ınno­va­sııalyq jáne ınves­tı­sııalyq jobalar­dyń júzege asýy, basqo­sý­dyń basty ta­qyryby bolyp otyrǵan energetıka sala­synyń ózekti má­se­lelerin qamtyǵan habarlamasy jı­nal­ǵandar qy­zy­ǵý­shyly­ǵyn týdyrdy. Bul rettegi sońǵy da, eleń etkizer jańalyq óńirde «Jel elektr stan­sasyn salý» ınvestısııalyq jo­basy bol­dy. Atalmysh ıgi shara ener­gııa­nyń bala­maly kózderin paıdalaný ar­qyly elektr energııasy tapshylyǵy prob­le­masyn sheshýge negiz bolatyndyǵy kó­ńil­ge qondy. Jáne de bul jobanyń qazir­diń ózinde jú­zege asyrý qolǵa alynyp, Oń­tústik Koreıa­nyń «DMK-Ko» kompanııa­sy­men arada memorandýmǵa qol qoıylyp, tehnı­kalyq-ekonomıkalyq negizdemeler jasaý bastal­ǵany aıtyldy. Sondaı-aq óńir basshysy qarqyndy damyp kele jat­qan aımaq úshin asa qajetti energııa kózi sanalatyn MAEK-tiń qural-jabdyq­tary eskirip kele jatqa­nyn eskerip «Osy kási­p­oryn bazasynda qýatty bý-gaz ener­gııa blo­gyn salý joba­synyń keıinge qal­dyrylyp kele jatqan­dyǵy jáne de qarqyndy damý­daǵy aımaq úshin asa qajetti osy energııa kózin tezdetip salý­dy «Qazatomónerkásip» ulttyq kom­panııa­sy iskerlik pen isti alǵa júr­gizý­diń jol­daryn qarastyrsa degen usynys aıtyldy. Tórt kúnge sozylǵan ınnovasııalyq mektep konferensııasy men «Energııa, hımııa jáne sý» taqyrybyndaǵy dóńge­lek ústel otyrysynda otyzdan astam baıandama tyńdaldy. «SAS» ınjenerlik fırma­sy­nyń dırektory V.Shpaızer, Belgııanyń SCK-CEN ǵylymı-zertteý ortalyǵynyń bas dırektory H.Abderrahım, Ulybrı­ta­nııanyń «Nuvia Limited» kompanııasy­nyń ókili D.Ýells jáne basqalar sóz sóılep, oı-pikir talastyryp, tájirıbe almasty. «Qazatomónerkásip» ulttyq aksıonerlik kompanııasynyń basshysy Vladımır Shkolnıktiń aıtýynsha bul bas­qosýdaǵy áńgime aýqymdy da, mańy­zdy­lyǵymen erek­shelendi. О́ıtkeni, halyq­aralyq dáre­jedegi májilisterde atom elektr stansa­la­ryn jo­balaýdyń zamanaýı tehnologııalary, ener­gııany únem­deýdiń joldary, sýdy óńdeý men tushy­tý­dyń jańa hımııalyq tehno­lo­gııalary, radıoaktıvti qaldyqtardy retteý aspektileri, nanosýtegilik energe­tı­kany damytý perspektıvalary, Qazaq­stan­da balamaly energetıkany damytýdyń joldary jan-jaqty sóz boldy. Qoryta aıtsaq, Mańǵystaý ıadrolyq-energetıkalyq salany damytýda jetekshi oryn alatyn aımaq. Jáne de munda osy sala boıynsha qol jetken jetistikter de mol. Oǵan qosa qazir sheteldik seriktes­ter­diń qyzyǵýshylyǵyn arttyra túsip otyr­ǵan birneshe ınnovasııalyq jobalar qolǵa alynyp júzege asýda. Osylardy eskersek óz jumysyn jemisti aıaqtaǵan I halyq­ara­lyq ınnovasııalyq mektep konferen­sııa­sy, dóńgelek ústel otyrysy osy saladaǵy áriptester arasyndaǵy iskerlik baılanys­tar men ózara qarym-qatynastarǵa ıgi yq­pal etetin paıdaly basqosý bolǵany sózsiz. Jolaman BOShALAQ. Aqtaý.