Keńeske qatysýshylar lebizi

Muhammed ALI, (Somalı): – Qazaqstan Islam Yntymaqtastyq Uıymyna tóraǵalyq etýge saılandy. Menińshe, Qazaqstannyń uıym jumysyn jandandyrýǵa yqpaly mol bolady dep oılaımyn. О́ıtkeni, Qazaqstan mundaı úlken uıymdy buryn da basqaryp kórdi. Sessııa jumy­synyń uıymdastyrylýy da jaqsy oılastyrylǵan. Eshqandaı bógelis joq. О́z basym bizdiń Islam Yntymaqtastyq Uıymy Soltústik Afrıka elderinde tynyshtyq pen turaqtylyqty qalpyna keltirýge oń yqpal eter degen úmittemin. Qazir bul máseleler bizdi de qatty tolǵandyryp otyr. Ál DJAROED, (Saýd Arabııasy): – Men Qazaqstan Prezıdenti Nursultan Nazar­baevtyń sessııada sóılegen sózinen úlken áser aldym. Ol uıym jumysyn jandandyrý baǵytynda birtalaı naqty usynystar jasady. Halyqaralyq uıymnyń bedelin kóteretin úlken ister. Qazaqstan Prezıdenti sondaılarǵa batyl kirisý qajettigin atady. О́z basym olardyń bári de oryndy dep bilemin. Al endi sessııa jumysynyń uıymdastyrylýy týraly aıtatyn bolsam, ol joǵary deńgeıde ótip jatyr dep aıtýǵa bolady. Delega­sııalarǵa barlyq jaǵdaılar jasalǵan. Tehnıkalyq qyzmetkerler úzilissiz qyzmet kórsetýde. Qonaq úıde de, qala ishinde de osyndaı jaǵdaılar jasalǵan. Astana qalasy da ásem shaharlardyń biri eken, maǵan ol óte unady. Rafael SEGÝIZ, (Fılıppın): – Men Islam Konferensııasy Uıymynyń jumysyna birneshe ret qatystym. Onda álemdik ahýaldy jaqsartý jóninde jaqsy oılar aıtylady. Biraq Uıym aımaǵyna enetin keıbir elder onyń sheshimderin oryndamaıdy. Astana qalasynda ótip jatqan sessııada da jaqsy oılar aıtyldy. Jańa tóraǵanyń da sózin estidik. Ol ózara yntymaqtastyqty arttyrý aıasynda birneshe usynystar jasady. Bári de oryndy. Maǵan Qazaqstan tóraǵalyǵynyń, ásirese, ekologııalyq ahýaldy jaqsartý jónindegi máseleni úlken bastamalardyń birine qoıǵany unady. Ekologııalyq apat eshqashanda esten shyqpaý kerek. Maǵan Qazaq eli unady, halqy dos kóńildi, qonaqjaılylyq kórsetip otyrdy. Qaınarbek TOHTOMYShEV, (Qyrǵyzstan): – Álemdik uıymnyń jıyny bizben týysqan Qazaq elinde ótip jatqanyna qýanyshtymyn. Sessııa jumysyn ótkizý joǵary deńgeıde uıym­das­tyrylǵan. Prezıdent Nursultan Nazarbaevtyń sózi Qazaqstannyń Uıym jumysyna úlken múddelilik tanytatynyn kórsetti. Men osy múmkinshilikti paıdalanyp, sizdiń gazet arqyly Qazaqstandy IYU tóraǵalyǵyna saılanýymen quttyqtaımyn. Qazaq­standyq tóraǵalyq álemde qıyn jaǵdaı ornap turǵan kezde ótedi. Ásirese, Taıaý Shyǵys pen Soltústik Afrıkanyń musylman elderindegi jaǵdaı qazir qatty ýshyǵyp tur. Sóılegen delegasııa músheleriniń bári de osyǵan kóńil aýdaryp, jaǵdaıdy qalpyna keltirý qajettigin aýyzǵa alyp jatty. Menińshe, Qazaqstan óz tarapynan jaǵdaıdyń turaqtanýyna oń yqpal eter degen úmittemin.