Tórtinshi sessııa

Májilis depýtattary úshin mańyzdy ári jaýapkershiligi zor sessııa boldy Keshe Parlament Májilisiniń Tóraǵasy Oral Muha­med­janov­tyń jetekshiligimen osy palatanyń jalpy otyrysy bolyp ótti. Palata otyrysyn qorytyndylaǵan Parlament Májilisiniń Tór­aǵasy, «Nur Otan» halyqtyq-demokratııalyq partııasy frak­sııasynyń jetekshisi Oral Muhamedjanov sóz sóılep, tórtinshi sessııasynyń aıaqtalýyna oraı palatanyń búginge deıingi atqarǵan jumystaryna toqtalyp ótti. Mine, Májilistiń tórtinshi ses­sııasy da óz jumysyn aıaq­ta­dy, dep bastady sózin O.Mu­ha­medjanov. Bul kezeń el ómirinde mańyzdy oqıǵalarǵa toly boldy. Kóp eldermen salystyrǵanda, Qa­zaqstan ekonomıkalyq daǵ­da­rystan shy­ǵyn­syz ótip, turaqty damý jolyna tústi. О́tken jyly ishki jalpy ónimniń naqty ósimi 7 paıyzdy qurady. Elbasy bas­ta­mashylyq jasaǵan «Jol kar­tasy» halyqty jumyspen qamtý problemasyn aıtarlyqtaı sheshýge múmkindik berdi. Ár ob­lys­ta júzdegen bilim berý, den­saý­lyq saqtaý, turǵyn úı-kommý­nal­dyq sharýashylyq obek­tileri, myńdaǵan shaqyrym kóshe­ler men joldar jóndeýden ótip, kóptegen jańa jumys oryndary ashyldy. Elimizdiń 2020 jylǵa deıingi damý strategııasyn iske asyrý bas­talyp ketti. Biz aldymyzǵa mejeli mindet qoıdyq, ol – 2016 jylǵa qaraı jan basyna shaqqandaǵy ishki jal­py ónimdi 15 myń dollarǵa deıin kóbeıtip, tabys deńgeıi jaǵynan joǵary elder qataryna kirý. Atalǵan Strategııa sheń­be­rinde ekonomıkamyzdy jańa deń­geıge kóterýdi kózdeıtin Údemeli ındýstrııalyq-ınnovasııalyq damýdyń memlekettik baǵdarla­ma­sy oıdaǵydaı júzege asy­ry­lý­da. 2015 jylǵa deıin jalpy so­masy shamamen 80 mıllıard dol­lardy quraıtyn 500-ge jýyq jo­bany iske asyryp, 200 myń   ju­mys ornyn ashý josparlanyp otyr. Osy oraıda atap ótetin bir másele, ótken jyldyń ózinde jal­py quny 800 mıllıard teń­geden asatyn 152 jańa obekt iske qosyldy. Respýblıkamyzdyń halyqara­lyq deńgeıde qol jetkizgen ta­bystary da aıtarlyqtaı, dep jal­ǵady sózin palata Tóraǵasy. О́tken jyl Qazaqstannyń Eýro­pa­daǵy qaýipsizdik pen ynty­maq­tastyq uıymy sekildi bedeldi uı­ymnyń tizginin ustap, tóraǵalyq et­ken jyly boldy. Jas elor­da­myz – Astanada sońǵy 11 jyl ishinde alǵash ret osy uıymnyń Sammıti ótti. Taıaýda ǵana Qazaqstan Shanhaı Yntymaqtastyq Uıymyna tór­aǵa­­lyq etýdi aıaqtady. Osy halyq­aralyq birlestikke basshylyq etý­imiz Astanada ótken onyń me­reıtoılyq sammıtimen qorytyn­dylandy. Al kúni keshe ǵana Qazaqstan taǵy bir yqpaldy halyqaralyq birlestik – 1,5 mıllıardtan astam halqy bar 57 memlekettiń basyn biriktirip otyrǵan Islam Ynty­maqtastyq Uıymyna tóraǵalyq etýge kiristi. Elimizdiń osyndaı jetistikteri Qazaqstan Respýb­lı­kasynyń Tuńǵysh Prezıdenti – Elbasy Nursultan Ábishuly Na­zarbaevtyń atymen tyǵyz baı­lanysty ekenin erekshe atap ótý qajet. Serpindi damyp kele jat­qan ekonomıkasy bar, demo­kra­tııa­lyq murattarǵa adal, halyq­aralyq bedeli joǵary jas memleketti qalyptastyrýǵa Elbasynyń sińirgen orasan zor eńbegi 3 sáýir kúni ótken Qazaqstan Respýb­lı­kasy Prezıdentiniń kezekten tys saılaýynda qazaqstandyqtar ta­ra­pynan laıyqty baǵasyn aldy. Bir sózben aıtqanda, Elbasy bas­taǵan elimiz syn kezeńnen sú­rinbeı ótip, belgilengen maqsatqa qol jetkizý jolynda nyq qadam basyp keledi. Osy salıqaly strategııalyq baǵytty iske asyrýda Memleket basshysyna tórtinshi saılanǵan Qazaqstan Respýblıkasy Parlamenti Májilisiniń depýtattary senimdi tirek bolyp keledi. 4-sessııa Májilis depýtattary úshin mańyzdy ári jaýapkershiligi asa zor sessııa boldy. О́tken ýaqyt ishinde Májilis 144 zań jobasyn maquldap, Senatqa jiberdi. 104 zańǵa Elbasy qol qoıdy. Zań shyǵarý úderisinde ekonomıkalyq reformalardy quqyqtyq qamta­masyz etýge basa kóńil bólindi. Osy maqsatta biz salyq salý júıesin jetildirýge, memlekettik múlikti tıimdi basqarýǵa, kólik qyzmetiniń sapasyn arttyrýǵa, ag­rarlyq sektordy odan ári da­mytýǵa baǵyttalǵan zańdardy qabyldadyq. Biz shaǵyn jáne orta kásipkerlikke qoldaý kórsetý boı­ynsha da aýqymdy jumys atqar­dyq. Bul másele, ózderińiz biletindeı, Elbasynyń udaıy baqy­laýynda tur. O.Muhamedjanov sondaı-aq de­pýtattyq qyzmetteriniń basym baǵyttarynyń biri halyqqa áleý­mettik qoldaý kórsetýdi kúsheıtý, bilim berý men densaýlyq saq­taýdy damytýǵa qajetti jaǵdaı­lar jasaý bolyp tabylatynyn atap kórsetti. Bul turǵyda zeı­net­aqymen qamsyzdandyrýdy art­tyrýǵa, áleýmettik mańyzy bar azyq-túlik taýarlarynyń baǵala­ryn retteýge, ıpotekalyq kredıt kómegimen turǵyn úı satyp alǵan azamattarǵa berilgen áleýmettik kepildikterdi qorǵaýǵa, ǵylym men ınnovasııalarǵa qoldaý kór­setýge baǵyttalǵan zańdar kúshine engizildi, dedi ol. Bıylǵy jyldyń 1 qańta­ry­nan bastap zeınetaqy men shákirt­aqy mólsheri 30 paıyzǵa artty­ryldy, al 1 shildeden bastap bıýd­jet salasy qyzmetkerleriniń ja­laqysy dál osyndaı mólsherge kóbeıetin bolady. Bul rette, atalǵan tólemderdiń sońǵy eki jyl boıy 25 paıyzǵa kóbeı­tilip kele jatqanyn atap ótý qajet. О́tken jyly elge erekshe eńbegi sińgen azamattardyń jekelegen sanattaryna beriletin arnaýly mem­lekettik járdemaqylardyń, son­daı-aq ana men balaǵa áleý­mettik qoldaý kórsetýge baǵyt­tal­ǵan járdemaqylardyń mól­sh­e­ri de aıtarlyqtaı ósti. Bizdiń halyqaralyq saladaǵy zań shyǵarý jumysymyz da aý­qymdy boldy, osy sessııada 25 halyqaralyq sharttardy, konvensııalar men kelisimderdi ratıfı­kasııaladyq. Onyń ishinde Keden odaǵy men Biryńǵaı ekonomı­ka­lyq keńistiktiń jumysyn retteıtin qujattar da ratıfıka­sııa­lan­dy. Árıne, Májilistiń osy ses­sııa­da atqarǵan isteri zań shyǵarý qyzmetimen ǵana shektelip qoıǵan joq. Sessııa barysynda ótkizil­gen úkimet saǵattary, konferensııalar men dóńgelek ústelder sheń­berinde respýblıka ómiriniń ózekti máseleleri talqylanyp, memlekettik jáne salalyq baǵ­dar­lamalardyń júzege asyrylý barysy qaraldy. Qazirgi saı­la­nymdaǵy Májiliste fraksııalyq jumystyń jańa deńgeıge kóte­rilgenin atap ótken jón. «Nur Otan» HDP fraksııasy memleketimiz tynys-tirshiliginiń bar­sha ózekti máselelerine der kezinde den qoıý arqyly elimizde bolyp jatqan qoǵamdyq-saıası já­ne ál­eý­mettik-ekonomıkalyq úde­risterdi jiti nazarynda ustap otyr. Osy qysqasha sholýdyń ózi bizdiń palatamyzdyń tórtinshi ses­sııada asa aýqymdy jumys at­qarǵanyn kórsetedi. Bul nátıjege depýtattarymyzdyń jumys top­tary men komıtetterdegi belsendi jumysynyń, qajetti zańdardy der kezinde qabyldaýynyń arqa­synda qol jetip otyr, dedi só­ziniń sońynda O.Muhamedjanov. Sondyqtan, qurmetti áriptester, Parlamentimizdiń, onyń ishinde Májilistiń zań shyǵarý qyzmetine laıyqty úles qosyp kele jatqan sizderge óz atymnan alǵys aıt­qym keledi. Jazǵy demalys al­dyn­daǵy sońǵy basqosýymyzdy paı­dalana otyryp, sizderge alda­ǵy demalystaryńyzdyń sátti ótýine, besinshi sessııaǵa tyń kúsh-qýatpen aman-saý oralýlaryńyzǵa tilektestigimdi bildiremin».