Tóraǵalyq tabysty jalǵasady

Memleket basshysy Nur­sultan Nazarbaev Eýropa Keńesi Parlamenttik Assam­bleıa­synyń (EKPA) tór­aǵa­sy Mevlıýt Chavý­sh­oǵlymen kezdesti, dep ha­barlady Qa­zaqstan Respýb­lıkasy Pre­zı­dentiniń bas­pasóz qyzmeti. Kezdesý barysynda taraptar Qazaqstan men EKPA-nyń jaı-kúıi men yntymaqtastyǵynyń keleshegin talqylady. – Biz Qazaqstanmen óte jaq­sy yntymaqtastyqtamyz. Birneshe jyl buryn bizdiń ara­myzda yn­ty­maqtastyq týraly shartqa qol qoıylǵan. Qazaq­stan Parlamenti bizdiń ses­sııa­myzǵa qatysyp tu­ra­dy. Biz birlesken iri is-sha­ralarǵa qaty­sa­myz. Biz jemisti qatynastary­myzdy qalyptas­ty­rýy­myz kerek. Osyǵan baıla­nysty biz Qazaqstanǵa Eýropa Keńesiniń demokratııa jónindegi serik­tesiniń jańa mártebesin qa­byldaý múmkindigin qaraýdy usyn­dyq. Biz mundaı jańa már­tebeni tek qana anyqtalǵan ól­shemder men talaptarǵa sáıkes ke­letin elderge usynamyz. Qazaq­stan óz táýelsizdiginiń 20 jyly ishinde áleýmettik-ekono­mıkalyq jáne saıası damýynda aıtar­lyq­taı tabystarǵa jetken el retinde atalǵan mártebege sáıkes keletinine senemin. Keleshekte Qazaq­stan Parlamenti atalǵan máse­le­ni jan-jaqty qarap, ol jóninde oń sheshim qa­byldaıdy dep senim artamyn, – dep atap ótti M.Chavýshoǵly. Kezdesý barysynda sondaı-aq Astanada ótip jatqan IYU-ǵa múshe elder Syrtqy ister mınıstrleri keńesi ses­sııa­synyń máse­leleri talqy­landy. – Men osymen Qazaqstanǵa úshinshi ret kelip turmyn. Bul joly men Islam Ynty­maq­tastyq Uıymyna múshe elder Syrtqy ister mınıstrleri ke­ńe­siniń oty­ry­syna qatysýda­myn. Buǵan deıin de Qazaqstan EQYU-ǵa ta­bys­ty tóraǵalyq etti. IYU-ǵa tór­aǵa­lyǵy da sondaı tabyspen ótetinine senemin. Memleket bas­shy­synyń sessııany ashardaǵy áser­li sózin atap ótkim keledi. Mem­leket bas­shysy Uıymnyń prob­lemalaryna qatysty ózindik kózqarasyn bildirdi. Onda oryn alyp otyrǵan prob­lemalardy she­shý, sondaı-aq IYU-ǵa múshe elderdi biriktirý jóninde naqty usynystar aıtyldy. Qa­zaq­stan­nyń EQYU-ǵa tóraǵalyǵy óte ta­bysty ótti. Memleket bas­shy­sy kótergen Eýrazııalyq ıntegrasııa jó­nindegi bastama óte qa­jetti jáne tabysty boldy. Qa­zaq­stan kúlli álemge dinaralyq jáne et­nos­aralyq tolerantty­lyq­tyń úl­gi­sin kórsetti. Bul úlgi búginde ult­shyldyq pen eks­tre­mıstik ma­ǵynadaǵy kórinisterdiń ósýi baıqalyp otyrǵan Eýropa úshin óte mańyzdy, – dedi M.Cha­výshoǵly jýrnalısterge arnal­ǵan brıfıng kezinde. Sýretti túsirgender S.BONDARENKO, B.OTARBAEV.