Qos arystyń beınesi

Belgili qalamger, tele­jýr­na­lıstıkanyń tájirıbeli tar­lany, Qazaqstannyń eńbek si­ńir­gen qaıratkeri Maqat Sa­dyq birneshe derekti fılm­derdiń avtory retinde jurt­shy­lyqqa keńinen tanymal. Jyl basynan beri onyń bul ónerdegi qoltań­basyn aıqyn­daǵan eki derekti týyndysy elimizdiń biraz tele­arnalary arqyly kórermender talqy­syna salynyp, joǵary baǵa ıelenip úlgerdi. Atap aıt­saq, «Mirjaqyp Dýlatov» jáne «Baýyrjan Momyshuly» derekti fılmderi Qazaqstan Res­pýb­lıkasy Baılanys jáne aqparat mınıstrliginiń tapsy­rysy bo­ıyn­sha («MAKNAT, STUDIO») shyqqan bolatyn. «Mirjaqyp Dýlatov» fılminde Alash arysynyń kúres­kerlik beınesi jan-jaqty qy­ry­nan ashylǵan. О́z kezeginde ǵalymdar M.Joldasbekov pen D.Qamzabekuly, S.Imanbaı men A.Musaǵalıeva t.b. M.Dýlatov­tyń jańa zaman ornatýǵa degen umtylysynyń jarqyn betterin tereńnen qozǵap, mánimen áńgi­me­lep bergen. Sondaı-aq Gúl­nár Mirjaqypqyzynyń ákesi­niń dosqa adal ári ýádege beriktigin, shynshyldyǵy men ıman­dylyǵyn taratyp aıtqan ónege­li sózi kórermender zerdesine qonyp jatýymen qundy. Al «Baýyrjan Momyshuly» fılmi de mazmun tereńdigimen baýrap alady. Senator O.Ábdi­kárimov, jazýshylar Á.Nur­sha­ıyqov pen M.Qaldybaı, Aýǵan soǵysynyń ardageri B.Smaǵul, batyrdyń uly Baqytjan Mo­myshuly men kelini Z.Ahmetova óz estelikterinde qazaqtyń qa­harman tulǵasynyń ómir, jaýyn­­gerlik jolynan ulaǵatty ónege tıegin aǵytady. Mirjaqyp Dýlatovtan ur­paq aýysar shırek ǵasyr keıin ómirge kelgen Baýyrjan Mo­mysh­ulynyń «Oıan, qazaq» ja­rııa­lanǵanyna 25 jyl ótkende mynandaı júrekjardy jaýa­byn jazǵany belgili: Syr aıtam, saǵan, halqym,  uǵa bilseń, Daıynmyn ot pen sýǵa maǵan senseń. Aryńdy aq nıetpen aqtamasam, Yrzamyn teris qolmen bata berseń. Mine, osy ómirlik ustany­myna batyr árdaıym adal bola bildi. Fılmde de sondaı almas qyrynan jarqyrap kóringen. Qos derekti týyndydaǵy bul tarıhı tulǵalardyń ǵu­my­ry men shyǵarmashylyǵy: keshegi, búgingi jáne bola­shaqtaǵy urpaq úshin – ómirlik ónegeli ósıet ekendigine kó­rermender kózi ábden jetetin sekildi. Qaısar ÁLIM, Astana.