01 Shilde, 2011

Astananyń azyq-túlik beldeýi

250 ret kórsetildi
Aýyl sharýashylyǵy mınıstrliginde mınıstr Asyljan  Mamytbekovtiń tór­aǵa­lyǵymen Astana qalasy mańyndaǵy azyq-túlik beldeýin damytý máselelerine arnalǵan jınalys ótti. Oǵan Aqmola, Qaraǵandy oblystary men Astana qalasy ákimderiniń orynbasarlary, «QazAgro» UBH» AQ enshiles uıymdary men áleý­met­tik-kásipkerlik korporasııalardyń bas­shylary, sonymen qatar Astana qalasynyń iri saýda júıeleriniń, qaıta óńdeý kásiporyndarynyń, aýyl sharýa­shy­lyǵy qurylymdarynyń basshylary qatysty. Jınalys azyq-túlik beldeýi aýma­ǵyn­da óndiriletin jáne Astana qalasynyń saýda núktelerine jetkiziletin azyq-túlik taýarlarynyń kórmesimen bastaldy. Kór­mede qatysýshylar nazaryna Aqmola, Qa­ra­ǵandy oblystary men Astana qala­sy­nan kelgen 13 kásiporynnyń 80-nen astam azyq-túlik taýarlarynyń túrleri usy­nyldy. Azyq-túlik beldeýine kiretin kásip­oryn­dardyń basshylary jınalysqa qa­ty­sýshylardy óndiriletin ónimderdiń túr­lerimen jáne taýardyń joǵary sapa­ly­lyǵy jónindegi, sonymen qatar qazirgi ahýaly men damý keleshegi tolyq aqpa­rat­pen qamtamasyz etti. Jınalysta elorda mańyndaǵy azyq-túlik beldeýin damytý jónindegi aldyńǵy kezektegi máseleler talqylandy. Atap aıtqanda, «Údemeli ındýstrııalyq-ınno­va­sııalyq damý jónindegi 2010-2014 jyldarǵa arnalǵan memlekettik baǵdar­lamany» júzege asyrýdaǵy oń tájirıbege negizdelgen tıimdi ádisteme usynyldy. Ol úshin ákimdikterge azyq-túlik beldeýin qurýǵa qatysatyn kásiporyndardyń to­lyq tizimin anyqtaý, odan ári olardyń árqaısysynyń damýyna kedergi bolatyn jaıttardy anyqtaý maqsatynda taldaý júrgizip, olardyń árqaısysy boıynsha jaýapty oryndaýshyny bekitip, qajetti qarjy somasy, oryndalý merzimi kórse­til­gen is-áreket josparyn jasaý tapsyryldy. Sonymen qatar, kelisim-shartqa otyrý, onyń ishinde Aqmola men Qaraǵandy oblystary óndirýshileriniń naqty azyq-túlik kólemin elordaǵa jetkizýge «Astana» áleýmettik-kásipkerlik korporasııa­sy­nyń múmkindikterin qoldaný  másele­leri qarastyryldy. Basqosý qorytyndysy boıynsha ákimdikter men «QazAgro» UBH» AQ enshiles uıymdary basshylaryna astana mańyndaǵy azyq-túlik beldeýin odan ári damytý jóninde tapsyrmalar berildi. Áıgerim KENJEBEKOVA, AQSh Dakota ýnıversıtetiniń magıstranty.
Sońǵy jańalyqtar

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar