Bul rette teńgeniń 2015 jylǵy jeltoqsandaǵy aıyrbastaý baǵamynyń deńgeıin 2016 jylǵy jeltoqsandaǵy deńgeımen salystyrýǵa bolady – tıisinshe ár kezeńniń sońyndaǵy esepten alǵanda 1 AQSh dollary úshin 340,01 jáne 333,29 teńge.
2016 jyly halyqtyń AQSh dollaryn netto-satyp alýy 1,4 mlrd. AQSh dollaryn qurady, bul 2015 jylǵy kólemnen 5,7 ese derlik tómen. Bul deńgeı 2001 jyldan bergi baqylaý kezindegi eń tómen jyldyq mán bolyp tabylady. Qolma-qol AQSh dollaryna suranys saqtalyp otyr, alaıda ol edáýir tómendep ketti.
Osyndaı kórinis shetel valıýtalarynyń basqa da neǵurlym tanymal túrleri boıynsha baıqalyp otyr. Máselen, 2016 jyly qolma-qol Reseı rýblin netto-satyp alý 88,1 mlrd. rýblge deıin 2 ese qysqardy. Bul rette qolma-qol AQSh dollary men Reseı rýblin netto-satyp alýdyń teńgedegi balamasynda kólemi is júzinde teńesti, al 2015 jyly Amerıka valıýtasy Reseı valıýtasyna qaraǵanda 2,7 ese tanymal boldy.
Eýropanyń qolma-qol valıýtasyn netto-satyp alýdyń kólemi ótken jyly 373 mln. eýroǵa deıin 40%-ǵa jýyq qysqardy. Eýroǵa suranys shekteýli bolyp otyr.
