09 Shilde, 2011

Qos jeńis

219 ret kórsetildi
Qaraǵandynyń «Shahteri» Eý­ropa lıgasynyń ekinshi oıy­nynda Slovenııanyń «Koper» ko­man­da­syn 2:1 esebimen utyp, ekinshi irikteý kezeńine joldama aldy. Qaraǵandy atalǵan oıyndy taǵatsyzdana kútken edi. О́ıt­keni, qalaǵa mundaı deńgeıdegi oıyn kópten beri kelgen joq bolatyn. Jankúıerlerdiń kút­keni oryndal­dy, «Shahter» qa­jetti nátıjege qol jetkizdi. Qaraǵandylyqtar osydan bir apta buryn ótken syrt alańdaǵy kezdesýinde 1:1 esebimen teń oı­nap, ózderi úshin aıtarlyqtaı jaq­sy múmkindik qaldyrǵan edi. Endi, mine, bir dop aıyrma­shy­lyǵymen basym túsip, týrnırdi jalǵastyrý quqyǵyna ıe boldy. Kelesi  raýndta qaraǵan­dy­lyq­­tar «IBV» (Islandııa) – «Sent-Patrıks» (Irlandııa) ju­by­nyń je­ńim­pazymen baq syna­satyn bolady. Eýropa lıgasyndaǵy ekinshi bir kezdesý Pavlodarda ótti. Mun­da jergilikti «Ertis» Pol­shanyń «Iаgellonııa» koman­dasyn qabyl­dady. Bul matchta da qazaq­stan­dyq­tardyń joly bol­dy. Olar qarsy­las­tarynan 2:0 esebimen basym tústi. Alǵashqy oıynda pavlodar­lyqtar qarsy­las­taryna 1:0 esebimen jol bergen bolatyn. Sóıtip, «Ertis» te Eýropa lıga­synyń ekinshi irikteý kezeńine shyqty. Endi pavlodarlyqtar 14 jáne 21 shilde kúnderi Grýzııa­nyń Rýstavı qalasynyń «Me­tal­lýrg» komanda­sy­men eki márte kezdesetin bolady. «Egemen-aqparat».
Sońǵy jańalyqtar

Uqsas jańalyqtar