Otyrysty ashqan Asan Darbaev jıyndy túrki áleminiń rýhanı ortalyǵy sanalatyn Túrkistanda ótkizýdiń sımvoldyq mánine toqtaldy.
«Uly Jibek joly halyqtaryn tarıhı biriktirgen túrki áleminiń rýhanı ortalyǵy – Túrkistanda bas qosý erekshe mánge ıe. Búginde birikken aýmaqtyq qoǵamdastyq dıalog alańynan praktıkalyq yntymaqtastyqtyń tıimdi tetigine aınalyp, jańa qun tizbekterin qalyptastyrýǵa jáne saýda baılanystaryn keńeıtýge kóshýde», dedi ol.
2025 jyldyń qorytyndysy boıynsha TMU elderiniń ózara saýda kólemi 11,9 mlrd AQSh dollarynan asty. Qazaqstannyń taýar aınalymy:
О́zbekstanmen – 4,3 mlrd dollar,
Túrkııamen – 4,9 mlrd dollar,
Qyrǵyzstanmen – 2 mlrd dollar,
Ázerbaıjanmen – 425 mln dollardy qurady.
Investısııalyq ózara is-qımyl da qarqyn alyp keledi. 2005-2025 jyldar aralyǵynda TMU elderinen Qazaqstanǵa tartylǵan tikeleı sheteldik ınvestısııalar kólemi 6,3 mlrd dollardan asty, onyń ishinde 2025 jyly shamamen 210 mln dollar salynǵan.
О́z kezeginde, otandyq ınvestısııalar TMU elderiniń ekonomıkalaryna shamamen 5 mlrd dollarǵa jetti. Tek 2025 jyldyń ózinde bul kórsetkish 1,3 mlrd dollardan asty.
Qazirgi tańda Qazaqstanda TMU elderiniń kapıtaly qatysatyn 12 myńnan astam kompanııa jáne 1300-den asa birlesken kásiporyn jumys isteıdi. Olar saýda men ónerkásiptik kooperasııany damytýǵa eleýli úles qosyp otyr.
Asan Darbaev óz sózinde Memleket basshysynyń ustanymyna da toqtaldy.
«Prezıdent Qasym-Jomart Toqaev TMU-nyń ekonomıkalyq áleýetin arttyrýdyń, kóliktik-logıstıkalyq jáne ınvestısııalyq yntymaqtastyqty damytýdyń mańyzdylyǵyn atap ótti. Osy baǵyttaǵy negizgi quraldardyń biri – Túrki ınvestısııalyq qory. Biz qor tarapynan qarjylandyrýǵa áleýetti daıyn basym jobalardyń tizbesin qalyptastyrýǵa kirisýdi usynamyz», dedi ol.
Kezdesý barysynda saýda kedergilerin azaıtý, kólik baǵyttaryn ártaraptandyrý jáne sıfrlyq saýda quraldaryn damytý máselelerine erekshe nazar aýdaryldy.
583 mln teńgeden astam zalal: Túrkistanda mektep qarjysyn jymqyrǵan 14 adam sottaldy
Shyǵys pen batysty baılanystyratyn strategııalyq baǵyt retinde Orta dálizdiń róli atalyp ótti. Bul marshrýt ózara saýdanyń ósýine jáne tranzıttik áleýetti arttyrýǵa qosymsha múmkindik beredi.
Jıyn qorytyndysy boıynsha TMU-ǵa múshe memleketter arasyndaǵy ekonomıka, saýda, ınvestısııalar jáne qarjy salalaryndaǵy yntymaqtastyqtyń Jol kartasy bekitildi. Qujatta birlesken jumystyń basym baǵyttary men olardy iske asyrý tetikteri aıqyndalǵan.
Otyrystyń basty oqıǵasy – ekonomıka jáne saýda mınıstrleriniń XIV kezdesýiniń qorytyndy kommıýnıkesine qol qoıý rásimi boldy.
Túrkistanǵa kóktem erte keldi: Náýrizek qusy oralyp, báısheshek gúldedi
Sonymen qatar, múshe memleketter arasynda saýda salasyndaǵy áriptestik týraly ózara túsinistik jónindegi memorandým jasaldy.
Qabyldanǵan sheshimder TMU elderiniń ekonomıkalyq ıntegrasııany kezeń-kezeńimen nyǵaıtýǵa, ınvestısııa men tehnologııalyq damýǵa negizdelgen zamanaýı yntymaqtastyq arhıtektýrasyn qalyptastyrýǵa degen ortaq umtylysyn aıqyndaıdy.
