Foto: Aýyl sharýashylyǵy mınıstrligi
Aýyl sharýashylyǵy mınıstrliginiń málimetinshe, mundaı tabystyń kilti zamanaýı óndiristik qýatty qurýǵa jasalǵan iri ınvestısııalar, ozyq tehnologııalar, sondaı-aq otandyq óndirýshilerge júıeli memlekettik qoldaýdyń nátıjesi.
Eksporttyq túsimniń ósýi jáne ortasha eksporttyq baǵanyń kóterilýi baǵa básekelestiginen sapa men brend deńgeıine ótip jatqanyn kórsetedi.
«Shın-Laın» kompanııasynyń vıse-prezıdenti Omarbek Juldyzdyń aıtýynsha, bul nátıje uzaq merzimdi jańǵyrtý jáne eksportty ulǵaıtý strategııasynyń jemisi.
«2005 jyly Qazaqstan tek 12 tonna balmuzdaq eksporttap, ımport kólemi 12 myń tonnany quraǵan edi. Búginde jaǵdaı túbegeıli ózgerdi. Jetkizilimder geografııasy 10 elge deıin keńeıip, eksport alǵash ret ımporttan asty. Bul Qazaqstan ónimderiniń básekege qabilettiligin jáne salanyń jetilgenin kórsetedi», dedi ol.
