Halyqaralyq elektrbaılanys odaǵy (ITU) – 2025 jylǵy derekterine sáıkes, joǵary tutynýǵa arnalǵan mobıldi baılanys tarıfteriniń quny (140 mınýt, 20 SMS jáne 5 GB ınternet) EAEO men Ortalyq Azııa elderi arasynda aıtarlyqtaı aıyrmashylyq kórsetedi.
Eń arzan tarıf О́zbekstanda tirkelgen – aıyna 2,32 dollar. Odan keıin Qyrǵyzstan (2,87 dollar) jáne Belarýs (4,99 dollar) ornalasqan.
Al Qazaqstanda mundaı tarıftiń ortasha baǵasy 11,8 dollardy qurap, óńirdegi eń qymbat elderdiń biri boldy. Odan da joǵary kórsetkish tek Túrikmenstanda tirkelgen – 51,4 dollar.
ITU derekterine sáıkes, Qazaqstanda mobıldi ınternet baǵasy sońǵy jyldary turaqty ósip keledi:
2022 jyly – 7,44 dollar
2023 jyly – 8,89 dollar
2024 jyly – 11,14 dollar
Sonymen qatar, Qazaqstannyń Ulttyq statıstıka bıýrosy málimeti boıynsha, mobıldi tarıfterdiń baǵasy bir jylda shamamen 10%-ǵa artqan.
Ulttyq qaýipsizdik komıteti ınternet jáne kıbersalada baqylaýdy kúsheıtedi
Internet sapasy boıynsha Qazaqstan óńirde kósh bastap tursa da, sońǵy aılarda jyldamdyqtyń tómendeýi baıqalady. Speedtest Global Index derekterine sáıkes, 2026 jyldyń naýryzynda mobıldi ınternettiń ortasha jyldamdyǵy 93,68 Mbıt/s bolyp, aldyńǵy aılarmen salystyrǵanda azaıǵan.
Salystyrmaly túrde, О́zbekstan men Qyrǵyzstanda jyldamdyq birtindep ósip otyr.
Aıta keteıik, osyǵan deıin Premer-mınıstrdiń orynbasary – Jasandy ıntellekt jáne sıfrlyq damý mınıstri Jaslan Mádıev elimizde mobıldi ınternettiń ortasha jyldamdyǵy 75%-ǵa artqandyǵyn aıtqan bolatyn.
