09 Shilde, 2011

Telefon arqyly sóılesti

180 ret kórsetildi
Qazaqstan Respýblıkasynyń Prezıdenti Nursultan Nazarbaev pen Reseı Federasııasynyń Prezıdenti Dmıtrıı Medvedev telefon arqyly sóılesti, dep habarlady Qa­zaq­stan Res­pýblıkasy Prezıdentiniń baspasóz qyzmeti. Dmıtrıı Medvedev Memleket basshysyn týǵan kúnimen quttyqtap, eń izgi tilekterin, densaýlyq, ıgilik pen Qazaq­stan­nyń joǵarǵy memlekettik qyzmetinde odan ári tabystar tiledi. Áńgimelesý barysynda mem­leket basshylary aǵymdaǵy jyl­dyń tamyz – qyrkúıek aı­laryna josparlanǵan kópjaq­ty forýmdar aıasyndaǵy baı­lanys josparyn talqylap, aı­maqtyq turaqtylyq pen qaý­­ipsizdikti qamtamasyz etý isindegi úılesimdilikti tereń­detý máselesin qozǵady. Sonymen qatar, Reseı Prezıdenti Nursultan Nazar­ba­ev­qa quttyqtaý joldady. «Sizdiń baı saıası táji­rı­beńiz, Memleket basshysy retindegi qarqyndy jáne jemisti jumysyńyz qazirgi Qazaq­stan­nyń áleýmettik-ekonomı­kalyq damýynda tamasha jetistikterge, halyqaralyq arenada joǵa­ry bedelge qol jetkizýine múm­kindik berdi. Reseı Fede­rasııasy men Qazaqstan ara­syn­daǵy kóp josparly stra­tegııalyq áriptestiktiń te­reń­deýindegi Sizdiń jeke úle­si­ńizdi erekshe atap ótkim keledi. Kún tártibindegi ekijaqty já­ne halyqaralyq mańyzdy má­se­leler boıynsha senimdi, syn­darly talqylaý men sheshim qabyldaý úshin myqty negiz bolyp tabylatyn qalyp­tasqan jyly qarym-qaty­na­sy­myzdy joǵary baǵalaımyn. Qar­qyn­dy ári jemisti saıası únqatysý bolashaqta Reseı men Qazaq­stan arasyndaǵy odaq­tyq qa­rym-qatynastyń bar­lyq keshendi údemeli da­mý­yn­da, ózara múddelilik týdyra­tyn sala­lar­daǵy aýqymdy jobalardy jú­zege asyrýda negizgi ról atqa­ratyn bolady dep senemin. Eýrazııa keńis­ti­ginde ıntegrasııa­lyq úderis­ter­di nyǵaıtýdaǵy Sizdiń aby­roı-bedelińiz ben tanymaldy­ǵyńyz senimdi nıettestigin kór­setýde. Sizdiń ba­rynsha dáıekti kúsh-jigeri­ńiz­diń arqa­synda Keden odaǵyn qurý men Biryńǵaı ekonomı­kalyq keńis­tikti qalyptastyrý ıdeıasy is júzinde tabysty jú­zege asty. Aımaqtyq birlestikter, sonyń ishinde TMD, UQShU, Eýr­Az­EQ, ShYU aıa­syn­daǵy ózara is-qımyldy ty­ǵyz úılestirýdegi qadamdar Eý­ra­zııadaǵy beıbitshilik pen tu­raqtylyq múd­de­sine – olardy odan ári da­my­týǵa jáne jetildirýge múm­kin­dik týǵyzady dep sanaımyn», delingen Dmıtrıı Medvedev­tiń quttyqtaýynda.
Sońǵy jańalyqtar

Qanat Taımerdenov jańa qyzmetke taǵaıyndaldy

Taǵaıyndaý • Búgin, 17:39

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar