Beınekameradan buryn sot sheshimimen kólik quralyn basqarý quqyǵynan aıyrylǵan azamattyń avtokóligimen tanysynyń úıine kelip, kólik ishinde ishimdik ishkeni belgili bolǵan. Keıin ol mas kúıdegi tanysyna kólikti basqarýǵa bergen.
Quqyq buzýshylyq tirkelgen sátte oqıǵa ornyna patrýldik polısııa narıadtary jiberilip, avtokólik toqtatyldy. Júrgizýshi narkologııalyq ortalyqqa jetkizilip, saraptama qorytyndysyna sáıkes onyń orta dárejedegi mas kúıde bolǵany anyqtaldy.
Qazirgi ýaqytta kólik júrgizý quqyǵy joq bola tura rólge otyrǵan azamatqa qatysty Qylmystyq kodeksiniń 346-baby 1-bóligi boıynsha sotqa deıingi tergep-tekserý bastaldy. Onyń mas kúıdegi tanysyna da ákimshilik hattama toltyryldy. Eki quqyq buzýshy da qamaýǵa alynyp, temir tulpar aıyp turaǵyna qoıyldy.
Qyzylordada júrgizýshi kýáliginen aıyrylǵan 15 azamat qaıtadan jol erejesin buzdy
Sonymen qatar qala ortalyǵyndaǵy adamdar kóp shoǵyrlanatyn ortalyq kóshelerdiń birinde jol qozǵalysy erejelerin óreskel buzý deregi tirkeldi. «Mercedes» avtokóliginiń júrgizýshisi joldyń ortasyndaǵy tutas qos syzyqty kesip ótip, qarsy baǵytqa burylys jasap, turǵyndardyń ómiri men densaýlyǵyna qaýip tóndirgen.
Mınıstrlik: Úsh kúnde 40 myńnan astam jol erejesin buzý deregi tirkeldi
Oǵan qatysty Qazaqstan Respýblıkasynyń Ákimshilik quqyq buzýshylyq týraly kodeksiniń 596-babynyń 3-bóligine sáıkes ákimshilik hattama resimdelip, materıaldar sotqa joldandy.
