Atap aıtqanda:
- Abaı oblysynda Miryıldız kompanııasy ken baıytý kombınatyn salýǵa nıetti;
- İskefe Holding Almaty qalasynda jelatın shyǵarýdy josparlap otyr;
- Orzax Group Túrkistan oblysynda bıologııalyq belsendi qospalar shyǵaratyn zamanaýı óndiristi qolǵa aldy;
- S Sistem Lojistik kompanııasy «Qazposhta» aksıonerlik qoǵamymen birlesip, Aqtóbe halyqaralyq áýejaıy aýmaǵynda logıstıka ortalyǵyn salyp jatyr;
- Tiryaki Holding Astanada bıdaı men asburshaqty tereń óńdeıtin zaýyt qurylysyna kiristi.
Atalǵan jobalar aıasynda elimizge 920 mıllıon dollardan astam ınvestısııa tartylyp, 3100-den asa jumys orny ashylmaq.
Premer-mınıstrdiń orynbasary Serik Jumanǵarın memleketter basshylaryna búginde túrik kompanııalarynyń qatysýymen el ekonomıkasynyń túrli sektorynda 100-ge jýyq ınvestısııalyq joba júzege asyrylǵanyn baıandady. Olardyń jalpy somasy – 4 mıllıard dollar shamasynda.
Qazirgi kezde quny 4 mıllıard dollardy quraıtyn taǵy 50 birlesken jobaǵa qatysty jumys jalǵasýda. Bul Qazaqstan men Túrkııanyń ınvestısııalyq yqpaldastyǵy qarqyndy damyp kele jatqanyn kórsetedi.
