Foto: Sý resýrstary jáne ırrıgasııa mınıstrligi
Sý resýrstary jáne ırrıgasııa mınıstrliginiń málimetinshe, bul jumystar buǵan deıin rekonstrýksııadan ótken nysandarda júrgiziledi. Joba sheńberinde mehanıkalyq gıdrojapqyshtar avtomattandyrylyp, olarǵa sý kólemi men deńgeıin naqty esepke alatyn zamanaýı qurylǵylar ornatylady. Nátıjesinde 502 shaqyrymnan astam sýarý jelisi sıfrlyq basqarý júıesine kóshedi.
Sıfrlandyrý sý bólýdi dál josparlaýǵa, shyǵyndy azaıtýǵa jáne sý paıdalanýdyń ashyqtyǵyn arttyrýǵa múmkindik beredi. Bul ásirese egin sharýashylyǵy damyǵan óńirler úshin asa mańyzdy.
Saladaǵy jańǵyrtý jumystary munymen shektelmeıdi. Vıse-mınıstr Aslan Abdraımovtiń aıtýynsha, bıyl Islam damý banki qoldaýymen ońtústik óńirlerdegi 103 kanal boıynsha jańǵyrtý jumystary bastalady. Sonyń nátıjesinde 2027 jylǵa qaraı 900 shaqyrymnan astam kanal qaıta jańartylyp, avtomattandyrylady.
Budan bólek, 2026 jyldyń birinshi jartysynda taǵy 263 kanaldyń rekonstrýksııasy men avtomattandyrylýyna arnalǵan jobalaý-smetalyq qujattamany ázirleý aıaqtalady. Bul aldaǵy jyldary ırrıgasııalyq ınfraqurylymdy júıeli túrde jańǵyrtýǵa negiz qalaıdy.
Sý resýrstaryn únemdep, tıimdi paıdalaný – aýyl sharýashylyǵynyń turaqty damýynyń basty sharty. Jańa jobalar osy maqsatqa qol jetkizýdiń naqty qadamy bolmaq.
Sý resýrstaryn basqarý salasyn sıfrlandyrý tetikteri qaraldy
