Foto: Ashyq derekkóz
Qoǵamdyq damý ınstıtýtynyń (QQDI) derekterine súıensek, 2020-2024 jyldar aralyǵynda otbasy uǵymy otandastar úshin negizgi qundylyqtardyń biri retinde mańyzyn joǵaltpaǵan. 2020 jyly respondentterdiń 92,4%-y otbasyn óte mańyzdy dep baǵalasa, 2022 jyly bul kórsetkish 93,5%-ǵa deıin ósken.
Sondaı-aq, otbasylyq ómirge qanaǵattaný deńgeıi de joǵary kórsetkishke ıe bolǵan. 2022 jylǵy saýalnama nátıjesinde respondentterdiń 95,4%-y óz otbasylyq ómirine qanaǵattanatynyn bildirgen. 2024 jylǵy derekter de osy úrdistiń saqtalyp, 90-95% aralyǵynda qalyptasqan.
«900 myń teńge otbasyma jetpeıdi»: Depýtat Baqytjan Bazarbek aı saıynǵy jalaqy azdyq etetinin aıtty
Otbasy týraly túsinikter mazmuny jaǵynan da aıtarlyqtaı turaqty. 2024 jylǵy zertteý boıynsha respondentterdiń basym bóligi otbasyny baqyt, mahabbat (44,9%), uǵymdarymen baılanystyrǵan. Budan keıingi kezekte neke urpaq jalǵastyrý (41,7%) jáne ómirdiń máni (40,7%) retinde sıpattalǵan.
Budan bólek, respondentterdiń 58,5%-y nekeni otbasy qurýǵa baǵyttalǵan odaq dep esepteıdi. Al 18,7%-y ony qarym-qatynasty zańdastyrý retinde qarastyrsa, 10,6%-y ortaq turmys pen ortaq bıýdjet retinde qabyldaıdy.
Aıta keteıik, búgin, 15 mamyr elimizde halyqaralyq otbasy kúni atalyp ótedi. Mereke qarsańynda Premer-mınıstrdiń orynbasary – Mádenıet jáne aqparat mınıstri Aıda Balaeva el azamattaryn halyqaralyq otbasy kúnimen quttyqtaǵan bolatyn.
