Petropavlda Nazarbaev Zııatkerlik mektebiniń oqýshysy úshinshi qabattan qulap ketken

10 ret

kórsetildi

1 mın

oqý úshin

Petropavl qalasyndaǵy Nazarbaev Zııatkerlik mektebiniń ǵımaratynan qulaǵan oqýshynyń qazirgi jaı-kúıi týraly Soltústik Qazaqstan oblystyq densaýlyq saqtaý basqarmasy resmı málimet taratty. Dárigerlerdiń aıtýynsha, 18 jastaǵy bozbalaǵa qajetti medısınalyq kómek tolyq kólemde kórsetilip jatyr, dep jazady Egemen.kz.

Qyrmyzy JUMAǴALIQYZY

Petropavlda Nazarbaev Zııatkerlik mektebiniń oqýshysy úshinshi qabattan qulap ketken

Foto: Ashyq derekkóz

Vedomstvo taratqan aqparatqa súıensek, zardap shekken oqýshy 19 aqpan kúni kópbeıindi qalalyq aýrýhanadan jedel túrde kópbeıindi oblystyq ortalyqtyń neırohırýrgııa bólimine aýystyrylǵan. Bul qadam naýqasqa mamandandyrylǵan neırohırýrgııalyq kómek kórsetý jáne shuǵyl túrde operasııalyq em júrgizý maqsatynda jasalǵan.

Tarazda oqýshy qyzdy urlamaq bolǵan aǵaıyndylar qamaýǵa alyndy

«Qazirgi ýaqytta pasıent tıisti em-dom qabyldap, tolyq tekserýden ótýde. Onyń densaýlyq jaǵdaıy turaqty dep baǵalanady, jaǵdaıynyń birtindep jaqsarýy baıqalady», delingen basqarma habarlamasynda.

Esterińizge sala keteıik, aqpannyń 17-si kúni Nazarbaev Zııatkerlik mektebiniń oqýshysy ǵımarattyń úshinshi qabatynan qulap ketken. Osy oqıǵaǵa qatysty polısııa departamenti Qylmystyq kodekstiń 105-baby, ıaǵnı «О́zine-ózi qol jumsaýǵa ıtermeleý» deregi boıynsha sotqa deıingi tergep-tekserý amaldaryn bastady. Bilim ordasyndaǵy oqys jaǵdaıdyń mán-jaıy quzyrly organdardyń baqylaýynda.