Ýkraınadaǵy alaıaqtyq: Qazaqstan azamattaryn aldap kelgen 53 shetel azamaty ustaldy

30 ret

kórsetildi

1 mın

oqý úshin

Ishki ister mınıstrligi alaıaqtardy anyqtaý maqsatynda sheteldik áriptestermen belsendi qarym-qatynas jasaıdy. Tikeleı baılanystar men aqparat almasý arnalary qalyptastyrylǵan. Bıyl 31 naýryzda IIM Ýkraınanyń polısııasymen birlesip, keń kólemdi arnaıy operasııa júrgizdi. Bul operasııa barysynda el turǵyndaryn aldap kelgen Dnepr qalasynda ornalasqan 3 alaıaqtyq call-ortalyqtyń qyzmeti toqtatyldy. Arnaıy operasııa nátıjesinde 53 shetel azamaty ustaldy, onyń ishinde 8-i qamaýǵa alyndy, dep habarlaıdy Egemen.kz.

Jomart RAHYMJAN

Ýkraınadaǵy alaıaqtyq: Qazaqstan azamattaryn aldap kelgen 53 shetel azamaty ustaldy

Foto: Ashyq derekkóz

«Júrgizilgen jumystyń qorytyndysy boıynsha 160-tan asa qazaqstandyq jábirlenýshi anyqtaldy, olarǵa keltirilgen shyǵyn Ýkraına sot sheshimimen qaıtarylady. Aldaǵy ýaqytta birqatar shet memlekettermen osyndaı birlesken arnaıy operasııalar ótkizý josparlanyp otyr», dedi IIM Kıberqylmysqa qarsy is-qımyl departamentiniń bastyǵy Jandos Súıinbaı OKQ alańynda ótken baspasóz konferensııasynda.

Sonymen qatar halyqaralyq yntymaqtastyqty arttyrý maqsatynda kompıýterlik qylmystar týraly Býdapesht jáne Kıberqylmysqa qarsy is-qımyl jónindegi BUU Konvensııalaryn ratıfıkasııalaý boıynsha sharalar qabyldanyp jatyr.