Jas sarbazdar ant qabyldady

Senbi kúni Oral garnızonynda ornalasqan 5517 áskerı bólimniń jas sarbazdary resmı túrde ant qabyldady. Osy kóktem aılarynda áskerge shaqyrylyp, sarbaz atanǵan jas­tardyń basym bóligi Shyǵys Qazaqstan, Jambyl oblystary óńirlerinen kelgender. Ant qabyldaý rásimindegi saltanatty jıyndy polk komandıri, polkovnık T.Dúısemálıev quttyqtaý sózben ashty.О́z kezeginde 5517 áskerı bóliminiń ardagerleri tóraǵasynyń oryn­basary zapastaǵy maıor Marat Ábdrahmanov, quqyq qorǵaý organdarynyń basshylary, din ókilderi jáne sarbazdardyń ata-analary aq tilekterin aıtyp uldaryna batalaryn berdi. Osyndaı qýanyshty sát arasynda búgingi ant qabyldaǵan jas sarbazdardyń ata-ana­lary­men de tildesýdiń yńǵaıy kelgen edi. Solardyń biri – О́skemen qalasynan at terletip kelgen Betkeevıch Lıýdmıla týǵan uly jas jaýynger Stanıslav Betkeevıch Otan qorǵaýshysy bolǵanyna qýanyshtan júregi jarylardaı bolyp turdy. «Balamnyń áskerı boryshyn ótep jatqan jerin, onyń komandırlerin kórip qóńi­lim toǵaıyp tur. Onyń ústine buryn ásker eki jyl eki-aq kún emes pe deýshi edi, endi bir jyl degen ýaqyt pa. Qazir-aq óte shyǵady ǵoı. Tek elimiz tynysh, halqym aman bolyp, aspanymyz ashyq bolsyn», – dedi ol. Shara aıaqtalǵan soń ant berý rásimine jınalǵan meımandar kazarma úı-jaıyna, sarbazdar ashanasyna, medısınalyq beketke kirip, bólimniń tynys-tir­shi­ligimen tanysty. Qalalyq máde­nıet úıiniń ánshileriniń ónerin tamashalaǵannan keıin jaýyn­gerlerdiń týǵan-týysqan­dary bó­lim basshylyǵyna al­ǵysqa toly jyly sózderin bildirdi. Erbolat SULTANOV, kapıtan. Oral.