Áskerı bazadaǵy jarylys

Kıprde áskerı-teńiz bazasynda bolǵan jarylystan qaza bolǵandar sany 15-16 adamdy quraıdy, dep habarlaǵan Kıprdiń ulttyq radıosy. Ol keltirgen málimetter boıynsha, zardap shekkender qatarynda 35-40 adam bar. Aldyn-ala málimetterge qaraǵan­da, qarý-jaraq saqtalǵan 90-nan astam konteınerde jarylys bolǵan. Tótenshe jaǵdaı saldarynan osyndaǵy elektr stansasy da isten shyqqan kórinedi. CAN memlekettik agenttigi 5 órt sóndirýshiniń, 4 ulttyq gvardııa áskerı qyzmetshisiniń jáne 2 áskerı teńizshiniń qaza tapqanyn habarlap otyr. Bombalaý toqtatylmaq Fransııa ókimeti Lıvııada qazirgi tańda qalyptasqan ahýaldy alǵash ret tuıyqqa tirelgen jaǵdaı retinde baǵalap otyr. Osy eldiń qorǵanys mınıstri Jerar Lon­ge NATO-nyń áskerı operasııasynyń bolashaǵy joq ekendigin habarlaǵan. Onyń aıtýynsha, jaǵdaıdy tek Lıvııa kósemi Mýamar Kaddafı men ereýilshiler arasyndaǵy tikeleı kelissózder ǵana qutqaryp qa­la alady. «Lıvııalyqtar bir-birimen tildestikke keletin bol­ǵan­dyqtan biz bombalaýdy toqtatamyz, eki taraptyń da áskerı­leri óz kazarmalaryna oralatyn bolady», dep málimdegen J.Longe. Úndistandaǵy poıyz apaty Úndistannyń soltústiginde ornalasqan Ýttar-Pradesh shtatynda asa úlken temir jol apaty oryn aldy. Sońǵy málimetter boıynsha qaza tapqandar sany 66 adamǵa jetken. Qaıǵyly oqıǵa júrdek poıyzdyń 14 vagony men lokomotıviniń relsten shyǵyp ketýi saldarynan oryn alǵan. Jergilikti bıliktiń málimdeýinshe, úıindilerdi arshý jáne qaza tapqandar men zardap shekkenderdi maıysyp qalǵan vagondardan alyp shyǵý taıaý ýaqyttarda aıaqtalýǵa tıis. 240-tan astam adam jaraqattar alyp, olardyń 150-ge jýyǵy aýyr jaraqattarmen aýrýhanalarǵa jetkizilgen. Japonııa apat qurbandaryn eske aldy Keshe Japonııa halqy osydan tórt aı buryn apatty jer silkiný saldarynan qurban bolǵandardy 1 mınót únsizdikpen eske túsirdi. Osy elde oryn alǵan alapat sýnamıden keıin tórt aı ótkende  ázirge 22 mıllıon tonna úıindilerdiń 7,56 mıllıon tonnasyn ǵana arshyp alýdyń sáti túsip otyr. Bul búkil úıindilerdiń 34 paıyzyn quraıdy. Eger zardap shekken úsh prefektýranyń jyl saıyn óńdeıtin turmystyq qaldyqtary kólemimen salystyrar bolsaq, bul kólem 20 jylda jınalǵan qaldyqtarǵa teń bolady eken. Baspanalarynan aıyrylǵan 110 myńnan astam adamnyń 24 myńy áli kúnge deıin mektepterde jáne basqa da qoǵamdyq oryndarda turyp jatyr. Mınıstrdiń sheni tómendetildi Túrkimenstan prezıdenti Gýrban­gýly Berdimuhamedov Abadan qala­syndaǵy tótenshe jaǵdaıǵa soqtyr­ǵan jarylystan keıin eldiń qorǵa­nys mınıstri B.Gýndogdyevke qatań sógis berip, shenin polkovnıkke deıin tómendetti. Halyqaralyq agenttikterdiń habarlaýynsha, memleket bas­shy­sy oqıǵaǵa qatysy bar ózgelerdi de jaýapkershilikke tar­typ, áskerı shenderinen aıyrýdy, qajet bolsa Qarýly Kúshter qa­tarynan shyǵaryp, kinálarynyń dárejelerine qaraı áskerı trı­býnalǵa berýdi talap etken. Túrkimenstan ókimeti oryn al­ǵan  tóten­she jaǵdaı saldarynan eki áskerı qyzmetshi men 13 qatardaǵy azamattyń qaza tapqanyn, tóńirektegi úıler men ǵı­ma­rattardyń ishinara zaqymdanǵanyn resmı túrde moıyndap otyr. Reseı áskerin shyǵarýdy talap etti EQYU-nyń Parlamenttik Assambleıasy Reseıdiń qarý-jaraqtary men áskerin Prıdnestroveden shyǵarýdy talap etip, oryn alǵan janjaldy «5+2» pishini sheńberindegi kópjaqty kelissózder jolymen retteýge shaqyrǵan. Rýmynnyń «Ziare» basylymynyń habarlaýynsha, Mol­dovadaǵy ahýalǵa qatysty qarar EQYU PA-nyń túpkilikti deklarasııasyna engizilip, jeksenbi kúni ony 55 eldiń ókilderi bekitken. EQYU-nyń Belgradtaǵy májilisine qatysqan 55 eldiń ókilderi Kıshınev pen Tıraspolden senim men qaýipsizdik sharalaryn alǵa bastyrý turǵysyndaǵy kúsh-jigerdi odan ári arttyra túsýdi talap etken. Kedeıler kóbeıe túsýde 2011 jyly Jer betindegi halyq sany 7 mıllıard adamnan asyp, 2023 jylǵa qaraı 8 mıllıard adamdy quraýy múmkin, dep málimdegen BUU sarap­shylary. Sonymen birge adamdar sany ósýiniń eń kedeı elder esebinen oryn alý tendensııasy da saqtalyp qalmaq. 1960-tan 1999 jylǵa deıin planetadaǵy adamdar sany eki eseden astamǵa ósken. Qazirgi ýaqytta absolıýttik ósim jylyna 77 mıllıon adamdy qurap otyr. Olardyń 95 paıyzy álemniń eń kedeı degen elderiniń úlesine tıedi. Osylaısha álemde 67 mıllıon balanyń bilim alýǵa múmkindikteri joq, al bizdiń planetamyzdyń 925 mıllıondaı turǵyny ashtyq jaǵdaıynda ómir súrýde, dep habarlaıdy ITAR-TASS agenttigi. Otqa oranǵan ushaq Keshe qozǵalt­qyshy otqa oranǵan áýedegi AN-24 ushaǵyn ushqyshtar tikeleı Ob ózenine qondyrǵan. Apat saldarynan 5 adam qaza taýyp, 26 adam zardap shekken. Ushaq Reseıdiń Tom qalasynan Sýrgýt qalasyna baǵyt alyp bara jatqan kórinedi. Ekıpaj qozǵaltqyshtyń tútindeı bastaǵanyn baıqaǵan sátte shuǵyl túrde qoný jóninde sheshim qabyldaǵan eken. Túrli jaraqattarmen 26 adam taıaý mańdaǵy aýrýhanaǵa jetkizilgen. Internet materıaldary negizinde ázirlendi.