Alǵashqy aılarda atqarylǵan jumystar jetekshige túsetin júktiń jeti batpan salmaǵy bar ekendigin kórsetti

Elbasynyń Jarlyǵymen Almaty ob­lysynyń áki­mi bolyp taǵaıyndalǵan Ańsar Musahanovtyń qyz­metke kiriskenine 100 kún bolypty. Oraıy kelgende ob­lys basshysynan jaýapty qyzmettiń al­ǵashqy­ aı­larynda atqarylǵan jumys­tar týraly áńgi­meleýin ótingen edik. – Ańsar Tursynhanuly, «Egemen­niń» turaqty oqyrmandaryna ıyqqa túser salmaǵy zor jańa jumystaǵy 100 kúndegi alǵashqy áserińiz jaıly oı bólisseńiz. – Aıtqanyńyz oryndy. Jaýapkershilik júgi qashanda aýyr. Desem de, qarbalas jumyspen júz kúnniń qalaı ótip ketkenin baıqamappyn. Úlken senim, joǵary jaýap­kershilik júgi ıyǵymda turatynyn da jasyrmaımyn. Elimizdiń asa mańyzdy óń­ir­leriniń qataryndaǵy Almaty oblysyn basqarý ońaı emes. Jer jánnaty Jetisý ekonomıkasy damyǵan, baı tabıǵatymen, qaıratker tulǵalarymen tanymal óńir. Bylaısha aıtsaq, Elbasy Nursultan Na­zar­baevtyń kindik qany tamǵan kıeli jer. Halyqqa adal qyzmet etý men senim úde­sinen shyǵýda bar qajyr-qaıratymdy, bilimim men tájirıbemdi jumsaýdamyn. – Qoǵam men memleket tarapynan memlekettik qyzmetkerlerge erekshe senim bildirilgen. Olardyń adamgershilik, moraldyq qasıetterine de joǵary talap qoıylady. Osynyń bári basqarý tásilinde erekshe nazarda bolýy tıis. Bul jóninde ne aıtar edińiz? – Qaı kezde de jumystyń tabysty, júıeli bolýy kadrlarǵa baılanysty bol­ǵan. Qazir de solaı. Buǵan deıin osy óńir­de qyzmet atqardym, elmen etene aralas­tym. Osydan da istiń jaıyn biletin tá­ji­rıbeli áriptesterime arqa súıeımin. Al, jastarǵa senim artý, úıretý aǵa býynnyń abyroıly isi ǵoı. Bastysy, basqarý eko­no­mıkany ártaraptandyrý men órkendetýge, oblys halqynyń ál-aýqatyn arttyrýǵa ba­rynsha mán berilýimen baǵalanady. Sony­men qatar qoǵamdyq kelisimdi nyǵaıtý, aza­mattyq qoǵamdy damytý, básekege qa­biletti bilim berý máselelerine baǵyt­tal­ǵan qajetti­likterdi qamtamasyz etýde dep oılaımyn. – Aýdan ákimdikteri men basqarmalar quramynda kadrlyq ózgerister bolyp, aýys-túıis oryn aldy. Jańa taǵaı­yn­dal­ǵan aýdan, qala ákimderine, oblys­tyq qurylymdar basshylaryna júk­te­ler mindet jaıly da aıta otyrsańyz. – Kadrlyq ózgeris boldy ári onyń bolýy qalypty úrdis dep oılaımyn. Eń bastysy, kadr tańdaý men taǵaıyndaýda qa­­telespeý kerek. Sondyqtan, aldymen, ózi­­ńiz aıtqandaı, árbir memlekettik qyz­met­shiniń bilimi men biliktiligi, iskerlik qa­bi­leti, moraldyq-etıkalyq beınesi bas­­ty nazarǵa alynatyny anyq. Elbasynyń Qazaqstan halqyna arnaǵan joldaýlaryndaǵy «Qazaqstan – 2030» Strategııasyndaǵy, memlekettik baǵ­dar­la­ma­­lardaǵy, Úkimet qaýlylaryndaǵy tap­syr­­malardy oryndaý barlyq deńgeıdegi ákim­derge mindetteledi. Bul turǵyda tur­ǵyn­dar­dyń turmys deńgeıin turaqty kó­terý, jańa jumys oryndaryn ashý arqyly ju­mys­syzdyqty azaıtý, kómekke muqtaj jan­darǵa, ásirese, ardagerlerge tolyq­qan­dy áleýmettik qoldaý kórsetý, bilim berý men medısınalyq qyzmet kórsetýdi jaq­sar­tý, sport pen týrızmdi, mádenıetti dam­y­týǵa kó­­ńil bólý tárizdi birqatar mańyzdy sala­lar­daǵy túıindi jaılardy atap ótýge bolady. Memlekettik til mártebesin kóterý, salt-dástúr, ulttyq mádenıetimizdiń máıe­gin saqtaý jumystary da osy qatarda. Jalpy, ortaq maqsatymyz Prezıdenttiń barlyq tapsyrmalaryn qaltqysyz júzege asyrý, naqty nátıje shyǵarýda bar kúsh-jigerdi jumsaý. Buǵan qosarym elimizdegi memlekettik qyzmetkerlerdiń Ar-namys kodeksindegi erejelerge asa baıyppen qaraý, mindetine adal, eńbek tártibin saqtaý qajettigi esten shyqpaýǵa tıisti. – Jaýapty qyzmetińizdegi negizgi má­selelerdi aıqyndap, basym baǵytta­ryn belgilegen bolarsyz? – Árıne, qyzmetke kiriskennen qolǵa alǵan alǵashqy jumys ta osy boldy. Ha­lyqtyń jaǵdaıynan asqan kúrdeli másele joq. Olardy sheshý ekonomıkanyń órken­de­ýine táýeldi ekeni belgili. Oǵan basym­dyq berip, óndiristiń damýy men shaǵyn jáne orta kásipkerlikke, jańasyn ashqan­darǵa qoldaý kórsetýdi alǵa qoıdyq. Desek te, sheshimin kútken kúrdeli másele­ler jetkilikti. Ol úshin aımaqtardaǵy jaǵ­daı­dy kózben kórip, tanysý maqsatymen bir­qa­tar aýdandardy jumys saparymen ara­ladym. Jurtshylyqpen pikirlestim. Kúrmeýi sheshilmegen máseleler qata­ryn­da eldi mekenderdi aýyz sýmen, úz­diksiz elektr jaryǵymen, balabaqshamen, turǵyn úımen qamtamasyz etý jaıy bar. Avtokólik joldarynyń syn kótermeıtini týraly ótinishter de aıtyldy. О́ńirdi damytýdyń basym baǵyttary jaıly aıtsaq, aldymen, agroónerkásiptik keshendi, údemeli ındýstrııalyq-ınnova­sııa­lyq damý baǵdarlamasy aıasyndaǵy maq­satty ju­mystardy júzege asyrýǵa, týrızmdi ta­bys­ty salaǵa aınaldyrýǵa kóńil bólý qajet. – Jetisý – agrarly aımaq. Salaǵa jete kóńil bólinetinin joǵaryda aıt­tyńyz. Endi qandaı nátıjelerge qol jetkizý kózdelýde? – Qazirgi kezde jetekshi salada qol jetken tabystar atap aıtarlyq. Búgingi kúni el baılyǵy astyqqa oraq tústi. Malǵa qajetti jem-shóp ázirleý de qatar júrgizilip keledi. Oblys boıynsha 391,0 myń gektar masaqty dándi daqyldardyń 82,1 myń gektary ory­lyp, ár gektardan 20 sentnerden ónim alynýda. Dıqan qaýymynyń kóktemgi egis jáne egin jınaý jumystaryna qajetti janar-jaǵarmaı men basqa da taýarlyq qun­dy­lyqtardyń qunyn arzandatýǵa 1289,2 mln. teńge sýbsıdııa bólinip, qarajat kestege sáıkes ıgerilip keledi. Tórt túlikti óz tóli esebinen ósirý, asyldandyrý baǵytyndaǵy jumys ta ná­tıjeli. Memlekettiń jan-jaqty qoldaýy arqasynda aýyl sharýashylyǵy qarqyndy da­myp keledi. Jyldan-jyl­ǵa jınalǵan ónim kólemi men sapasy ósip, eńbek ónim­diligi arta túsken. Sandyq kór­set­kishterdi tizbelep aıtpa­ǵannyń ózinde jaqsy ta­bys­tarǵa qol jetkizilgenin atap aıtýǵa bolady. Azyq-túlik qaýipsizdigi baǵdarla­ma­sy sheń­berinde júzege asyrylǵan bir­­qatar jobalar osynyń jar­qyn aıǵaǵy. Elbasynyń tapsyr­ma­sy­men Almaty qalasy ma­ńynda azyq-túlik beldeýin qurý maqsatynda úsh jylǵa jýyq ýaqyttyń ish­inde qala mańynda 20 joba iske qosylsa, quny 29 mlrd. teńge bolatyn 28 joba jú­zege asyrylý ústinde. Bul jobalar sút já­ne et, kondıterlik ónim shyǵaratyn, maıly daqyldardy óńdeýge baǵyttalǵan kásip­or­yn­dar qatarynyń kó­beıýi­ne múmkindik berdi. Almaty qalasy men oblys turǵyndaryn jyl boıy kó­kó­nispen úzdiksiz qamtamasyz etý máselesi jylyjaılar men kókónis saqtaý qoıma­la­ryn salý arqyly sheshimin tabýda. Oblys­ta búgingi kúni 454 jy­lyjaı jumys istese, 104 jylyjaıdyń qurylysy jalǵasýda. Mal tuqymyn asyldandyrýǵa baryn­sha kóńil bólingen. «Sybaǵa» memlekettik baǵ­dar­lamasy sheńberinde etti baǵyttaǵy iri qara malyn ósirýge den qoıylyp, iri qara etin eksporttaý áleýetin arttyrý maq­sa­tyn­daǵy jumystar jalǵasyn tap­qan. Búgingi kúni joba qatysýshysy bolyp 813 zańdy tulǵa belgilense, olarda 43,6 myń analyq bas iri qara baǵylýda. Balqash aý­danyndaǵy «Dınar Rancho» asyl tuqymdy sharýashy­ly­ǵy kana­da­lyq 1350 bas gereford tuqymyn satyp aldy. Jáne sha­rýa­shylyq osynshama qazaq­tyń aq bas sıyr­laryn ósirip otyr. Elimiz táýelsizdik alǵan alǵashqy jyl­dardaǵy jekeshelendirý kezinde árkim óziniń shaǵyn sharýashylyǵynyń jaıyn oılaǵan shaqta umytylǵan malshylar sletin ótkizý dástúrin qaıta jańǵyrtý qajet dep taptyq. Qıyr qonyp, shet jaılaǵan mal­shylardyń tynys-tirshiligin, jaıy­lym jaǵdaıyn, jetistigi men sheshilýge tıisti qandaı máseleleri bar ekenin zertteý úshin mundaı basqosý jaılaý tósinde jalǵasýda. Jetisý jeri dámi til úıirgen almanyń otany, álemdegi barlyq almanyń túp mekeni dep tegin tanylmaǵan. Qazirgi kezde «Alma Prodex» seriktestigi quny 158 mln. teńgeden asatyn ıntensıvti tehnologııaly baq qurý jobasynyń birinshi kezeńin aıaq­tady. Italııa, AQSh, Gollandııa, Túrkııa elderiniń ónimdilikti baý-baqsha ósirýdegi ıntensıvti ozyq tájirıbeleri atalmysh jobaǵa negiz boldy. Osylaısha jemis baqtaryn qalpyna keltirý tııanaqty iske asyrylý ústinde. Qabyldanǵan sharalar óndirilgen azyq-túlikpen jergilikti halyqty qamtamasyz etýge tolyq múmkindik beredi. Endi ke­ńeı­tilgen aýylsharýashylyq jármeń­kele­rin jıi ótkizý, jańa kommýnaldyq jáne kó­ter­me bazarlar, turmysy tómen otbasy­la­ry­na arnalǵan áleýmettik dúkender ashý ar­qyly azyq-túlik baǵasynyń negizsiz ósýi­ne jol bermeý, taýar óndirýshilerge qajet­ti kómek kórsetý jumystary jalǵastyrylýda. Statıstıkalyq málimetterge súıensek, aýyl sharýashylyǵynyń qorytyndysy ót­ken jyldyń osy merzimimen salystyrǵan­da birshama óskenin baıqatty. Demek, jyl­dy jaqsy jetistiktermen aıaqtaýǵa barlyq alǵysharttar bar dep nyq senimmen aıtamyz. – Bıylǵy Joldaýda aıtylǵan úde­meli ındýstrııalyq-ınnovasııalyq damý baǵdarlamasynyń oryndalýyna da toqtala ketseńiz. – Áleýmettik jańǵyrtý máselelerine ekpin bergen qundy qujatta údemeli ekono­mı­ka­lyq damý mindeti alǵa qoıyldy. Osy or­aıda bıyl oblysta quny 8,1 mlrd. teńge bo­la­tyn 8 ınvestısııalyq joba paıda­la­ný­ǵa be­rilýi tıis. Sonymen qatar, respýb­lı­ka­lyq joba retinde Moınaq GES-i men Jetigen – Qorǵas temir jol jelisiniń qury­ly­syn da atap ótýge bolady. Osy eki joba óń­ir­­degi ındýstrııalyq serpiliske negiz bolady. Bıylǵy birinshi jartyjyldyqta quny 4,3 mlrd. teńgelik 5 nysan iske qosyldy. Olar – premıkster men konsentrattar shyǵaratyn, «Hýndaı» kásipornynyń júk kólikteri men avtobýstar qurastyratyn, asfalt daıyndaıtyn, «Baıserke Agro» sút ónimderin óndiretin jańa kásiporyndar. Bıylǵy 4 shilde kúni Memleket basshy­sy Nursultan Nazarbaevpen tikeleı tele­kó­pir baılanysynda «Sonık Kompanııa­sy» seriktestiginiń profıldi qubyrlar shyǵaratyn zaýyty iske qosylǵanyn bilesiz. Ekinshi jartyjyldyqta quny 3,8 mlrd. teńgelik 3 jobany júzege asyrý josparlanǵan. Olar Qazaqstanda buryn-sońdy óndirilmegen qorǵasyn-qyshqyldy akkýmýlıator batareıalaryn shyǵarý, kólemi 3,65 gektarlyq jylyjaı qurylysy jáne iri et óńdeý kesheni. Barlyq 10 joba iske qosylǵanda aımaqta 3 myńnan astam adam jumys ornymen qamtylady. Jumyssyzdyq deńgeıin tómendetý maq­­satynda oblysta «Jumys­pen qamtý – 2020» baǵ­dar­lamasy da júzege asyryla bastady. Halyqpen ju­mys­ty jandandyrý úshin atal­ǵan baǵdarlama aıasynda 1 shildeden oblysta 19 ju­mys­pen qamtý ortalyq­ta­ry ashyldy. Oǵan respýblı­ka­lyq bıýdjetten 229,2 mln. teńge bólinip, 221 shtattyq birlik berildi. О́ńirde «Bıznestiń jol kartasy - 2020» baǵdarla­ma­sy boıynsha belsendi ju­mys júr­gizilýde. Búgingi kúni quny 10,1 mlrd. teńge bolatyn 31 joba qaras­ty­ry­lyp, qol­daý tapqany da oń is­terdiń jal­ǵasy degen jón. – Áńgimeńizde halyqty aýyz sýmen, qýat kózimen qamtamasyz etý jaıly aı­typ óttińiz. Osy má­selelerdi túbe­geıli sheshý jaıyn bilsek. – Aýyz sý – adam den­saýlyǵynyń birden-bir kepili. Jaryqsyz turmysty da kózge elestete almaımyz. Jalpy, oblys boıynsha 770 eldi mekenniń 510-y nemese 66 paıyzy ortalyqtandy­ryl­­ǵan sapaly aýyz sý júıe­simen qamta­masyz etilgen. Al 251 eldi mekende orta­lyqtandyrylmaǵan júıe jáne 9 eldi mekenge aýyz sý tasy­maldanyp jetkizilýde. Sýmen qamtý isin budan ári damytý Úkimet qaýlysy­men bekitilgen «Aqbulaq» baǵdarlamasynda qarastyrylǵan. Jańa baǵ­darlama aýyldyq jerdegi 196 eldi meken men 5 qalany sapaly aýyz sýmen qam­tý já­ne 120 aýyldy orta­lyq­tandyrylǵan sý jú­ıe­­sine qosý men or­ta­lyqtand­yryl­ǵan sý júıe­sin paıdalana­tyn halyq sanyn 170 myń adamǵa jetkizýdi kózdeıdi. Qazirgi kezde 48 nysannyń sýmen qamtý júıele­rin qaı­ta jabdyqtaý qury­lysy júrgizil­se, qu­ny 6,1 mlrd. teńgelik jobalyq-sme­talyq qu­jattar daıyndalý ús­tinde. Atal­ǵan sharalar aý­qymynda óńir tur­ǵyn­d­a­ryn qa­jetti mól­sher­de sapaly aý­yz sýmen qamta­ma­syz etýge múmkindik beretinin aıtqan jón. Elektr jaryǵy máselesine keletin bol­saq, oblystaǵy tutyný deńgeıiniń ósýi elektr qýattaryn arttyrý qajettiligin al­ǵa qoıyp otyr. Bul kúrmeýi qıyn másele ınvestısııalyq baǵdarlamalar arqyly bir­neshe jyldan keıin sheshimin tapty, ıaǵnı oblysta jumys istep turǵan elektr júıesi kompanııalary bul problemany shyǵyndaryn elektr tasymaly tarıfiniń quramyna engizý arqyly sheshti. Endi al­daǵy úsh jylda atalmysh júıeni damytýǵa 4 mlrd. teńge ınvestısııa tartý kózdelgen. Olarǵa kommýnaldyq menshiktegi jáne ıesiz qalǵan elektr jelilerin ótkizip berý jumystary júrip jatyr. Oblysta res­pýb­lıkalyq bıýdjet esebinen ulttyq el­ektr jelilerin modernızasııalaý baǵdarla­ma­symen quny 8,0 mlrd. teńge bolatyn ekinshi kezeńdi júzege asyrý, sol sııaqty 54,3 mlrd. teńgelik eki iri podstansanyń qurylysyn júrgizý josparlanǵan. О́ńirdegi elektr energııasyn tutyný qa­jettiliginiń ósýine baılanysty 300 mega­vat­tyq Moınaq GES-iniń qurylysy aıaqta­lý­ǵa jaqyn. Bul el Táýelsizdiginiń 20 jyl­dyǵyna degen qomaqty tartý. Sony­men qatar Balqash jylý elektr stansasy­nyń qurylysy bastaldy. Elektr energııasyn óndirýdiń dástúrli tásilderinen basqa kún jáne jel ener­ge­tıkasyn damytýǵa kóńil bólinýde. Bul ju­mystar energetıkalyq táýeldilikten qut­qa­ryp, elektr qýatyna degen suranysty 2016 jylǵa qaraı tolyq óteýge múmkindik beredi dep otyrmyz. – О́tken kúz ben qysta jylytý júıesinde tosyn jaǵdaı, jylý, ystyq sý men basqa da qajettilikterde kemistik bolmady. Jetisýlyqtar aldaǵy qys­ta osyndaı qyzmetpen qamtyla­ty­nyna senimdi bola ala ma? – Halyqtyń amandyǵy, otbasynyń bereke-birligi jumysymyzdyń basty baǵy­ty ǵoı. Qysqa daıyndyq erte kóktemnen bastalǵany osydan. Bıýdjettik sala men kommýnaldyq sharýashylyq nysandary­nyń qysqy jylytý maýsymyna ázirligin oblys ákimdigi qatań baqylaýda ustap otyr. Bul maqsatqa bıýdjetten 16,7 mlrd. teńge bólinip, maqsatty túrde ıgerilýde. Arnaıy qurylǵan komıssııa ony baqylaý ústinde. Birinshiden, qazandyqtardy jóndeý qol­ǵa alyndy. Taldyqorǵan qalasyndaǵy biraz ýaqyt jumys istemeı turǵan № 3 qazandyq qaıta jóndelip, iske qosylady. Eskeldi aýdany, Qarabulaq kentindegi or­talyq qazandyqtyń qurylysy júrip ja­tyr. Tozyǵy jetken jylý, sý, káriz jelileri aýystyrylyp, suıyq otynnyń, kómir men mazýttyń jetkilikti qory jınaq­talý­da. Demek, oblys turǵyndaryn qysta jy­lýmen qamtamasyz etýde qıyndyq bol­maıdy deýge tolyq negiz bar. – Halyqqa kórsetiletin qyzmet sa­pasy kóbine mektep, aýrýhana, basqa da mańyzdy nysandarmen tolyq qamty­lýyna baıla­nysty. Bul jóninde ne aıtar edińiz? – Bul baǵytta da birqatar sharalar at­qa­rylýda. Máselen, oblysta respýblıka boı­ynsha alǵashqylardyń biri bolyp «100 mek­tep, 100 aýrýhana» baǵdarlamasy aıa­syn­da 10 mektep jas urpaq ıgiligine usy­nylsa, 4 aýrýhananyń qurylysy aıaqtal­dy. Alaıda, bul eki saladaǵy qurylys osymen bitti degen sóz emes. Tek, bıylǵy jyldyń ózinde 270 áleýmettik nysan turǵyzylyp jatyr. Jyl sońyna deıin sonyń 170-ten astamy paıdalanýǵa beriledi dep mejelengen ny­san­dar qatarynda bilim jáne densaýlyq saqtaý, mádenıet jáne sport keshenderi de bar. Qurylysy bas­talǵan 34 bilim berý mekemesiniń bıylǵy jyly 16-syn iske qosý kózdelgen. Onyń altaýy tamyz aıynyń so­ńyn­da aıaqtalýy tıis. Sonymen qatar ob­lys­ta jyl sońyna deıin 20 aýyldyq aýrýhana men dárigerlik ambýlatorııa halyqqa sapaly medısı­nalyq qyzmet kórsetetin bolady. – Jan-jaqty jetilgen, sanaly ur­paq tárbıeleýde «Balapan» baǵdarla­ma­synyń alatyn orny erekshe. Osy oraıda búldirshinderdi balabaqshamen qamtý jaıy qalaı? – Qaıta qurý kezindegi ońtaılandyrý barysynda mektepke deıingi mekemeler qys­­qarǵanyn bilesiz. Onyń ornyn tol­ty­rý sońǵy jyldary batyl qolǵa alyndy. Bul baǵytta oń úrdis baıqalady. Aǵym­daǵy jyl­dyń birinshi jartyjyldyǵynda ob­lys­ta 7 balabaqsha ashylyp, myńǵa tarta balalar tálimdi tárbıemen qamtyldy. J­a­ńa balabaqsha salý, ıesiz qalǵan bala­baqsha ǵımarattaryn jáne kezinde jekeshelenip ketken, biraq menshik ıeleriniń usynýymen memleketke qaıtarylǵan mektepke deıingi 27 mekeme ǵımarattaryn kúr­deli jóndeý arqyly jyl sońyna deıin qatarǵa qossaq dep otyrmyz. Jeke menshik balabaqshalar ashý úrdisi keń tarala bas­tady. Kóptegen aýdandardaǵy osyndaı tárbıe oryndary jumysyn jalǵastyr­ǵa­ny osynyń dáleli. Oblys boıynsha mektepke deıingi mekemelerde 18 myńnan astam bala kezekte tur. Búgingi kúnge mektep jasyna deıingi bala­lar­dyń balabaqshamen qamtylýy 39 paıyz, bul respýblıkalyq kórsetkishten tómen. Son­dyqtan, bul baǵytta áli atqa­ra­tyn aý­qym­dy jumys jetkilikti. О́ńirde 158 bala­baqsha, 445 jalpy bilim beretin mektep ja­nyn­daǵy shaǵyn ortalyq jumys isteıdi. Olar 37 myń jas urpaqty ómiri­miz­ge laı­yq­ty órender qatarynda tárbıe­lep, oqytyp otyr. Bıyl «Balapan» baǵdarlamasy aıasyn­da balalardy mektepke deıingi tárbıemen qamtý kórsetkishin 43 paıyzǵa jetkizýdi me­jelep otyrmyz. Osylaısha, balabaq­sha­men qamtý isi júıeli jolǵa qoıylatyn bolady. – Jer jánnaty atanǵan óńir arqaly aqyn, qalamy júırik jazýshyla­ry­men, mádenıet, óner qaıratkerleriniń moldy­ǵy­men maqtana alady. Rýhanııat ókilde­ri­men baılanys ornatýdaǵy jaq­sy bastama ózgelerge úlgi bolarlyq edi. Osy úr­dis­tiń endigi jalǵastyǵy qalaı bolar eken? – Qoǵamǵa jaqsylyq ákeletin, ultty uıytatyn, múddesin kózdeıtin paıdaly jumystan kim shet qalady. Eldiń ıgiligi úshin qolǵa alynǵan qandaı da bir utymdy úrdister umytylmaıdy. Qasıetti mekende ómirge kelip, jasymnan ulttyq tárbıeniń nárimen sýsyndap óstim. Qazaq halqynyń mádenıetin, salt-dástúrlerin, halyq da­na­lyǵyn, ádebıet pen ónerdi tanýyma mol múmkindik bolǵanyn da aıtqan jón. Son­dyqtan egemen elimizdiń órkendeýine qol­tań­ba qaldyrý, jetisýlyqtardy osy jaqsylyqqa jumyldyrý men úshin asa mańyzdy ári paryzym dep bilemin. Muzart shyńnyń muzbalaǵy, poezııa piri Muqaǵalı Maqataevtyń 80 jyldyq mereıi apta sońynda aqynnyń týǵan jeri Raıymbek aýdany, Qarasaz aýylynda ót­kiziledi. Mereıtoıǵa daıyndyq barysyn­da aqyn murajaıy qaıta jasalyp, jańar­tyldy. Mektep pen mádenıet úıi kúrdeli jóndeýden ótti. Aýyldyń ishki-syrtqy joldary qalpyna keltirildi. Tipti, aýyl qaıta túledi desem de bolady. Oblystaǵy basqa mádenı nysandar da nazardan tys qalmaıdy. Qala men aýdan, aýyl halqynyń rýhanı baılanysyn ja­qyndastyratyn aýdan, qalalardyń mádenı kúnderin ótkizý 5 tamyzdan bastap jal­ǵasady. Ár apta saıyn eki aýdan ózderiniń mádenı baǵdarlamalaryn taldyqorǵan­dyq­tar men shahar qonaqtaryna usynady. – Qysqa merzimde esińizde qalǵan eleýli oqıǵalar qandaı? – Men úshin Elbasynyń aldynda ózge de azamattarmen qatar Qazaqstan halqy men Prezıdentke adal bolýǵa ant bergen sátim máńgi esimde qalatynyn aıtar edim. Saltanattan keıin memlekettik bıliktiń bedelin kóterý, el aldyndaǵy paryzdy adal atqarý, tapsyrylǵan isti oryndaý tý­ra­ly Elbasynyń tapsyrmalary jadymda jattalyp qaldy. Budan keıin arqany keńge salyp, buraýdy bosatyp kór. Taǵy bir jaı Astana qalasyndaǵy «Kór­me» ulttyq zalynda Memleket bas­shy­sy Nursultan Nazarbaevtyń aldynda oblystaǵy ındýstrııalandyrý kartasymen júzege asqan nysandardyń tanystyrylýy da sanamnan shyqqan emes. Jetisýlyqtar kezdesýlerdegi tájirbeli aǵa urpaqtyń tálimi de men úshin qymbat qazyna. Aýdandarǵa saparym kezinde turǵyn­dar­men kezdesýim, «Aınalaıyn» balalar úıi­niń tárbıelenýshilerimen júzdesken sá­tim­nen alǵan áserim, aqsaqaldardyń aq ba­tasy, eldiń tilek-lebizi de qanat bitirdi. Je­tisýlyqtar úshin de, men úshin de ma­ńyzdy, este qalarlyq qýanyshty jańa­lyq­tardyń alda da kóp bolatynyna kámil senemin. Oblys ákimi qyzmeti joǵary laýazym ǵana emes, turǵyndardyń áleýmettik-tur­mys­tyq jaǵdaıyn kóterýge, aımaqtyń gúl­denýine baǵyttalǵan qıyn da jaýapty ju­mys ekenine kóz jetti. Qujattarmen ju­mys, túrli taqyrypta talqylanatyn jı­yndar, issaparlardyń bári eleýsiz kó­rin­genimen onyń artynda kadrlardyń tap­syrylǵan qyzmetine degen iskerligin shyńdaý, baǵdar berý, taǵysyn-taǵy batpandaı júk bar. Oǵan halyqtyń senimi men taǵdyryn qosyńyz. Demek, jumystyń irili-usaǵy joq. Qaı-qaısysyna da jaýapkershilikpen qaraımyn. Toqsan aýyz sózdiń tobyqtaı túıini, Je­tisý halqy bereke-birlikte, «bir jaǵa­dan bas, bir jeńnen qol shyǵaryp», iske ju­myla kirisýi nátıjesinde qandaı qıyn­dyqty bolmasyn jeńip, eldiń ál-aýqatyn jaqsartý jolynda nátıjeli jumys atqa­ra­myz dep oılaımyn. – Áńgimeńizge rahmet. Áńgimelesken Kúmisjan BAIJAN.