Básekeniń bel ortasy

Astanada jasóspirimder arasynda ótip jatqan álem chempıonaty kún ótken saıyn qyza túsýde. Ázirshe boksshylar arasyn­da irikteý jekpe-jekteri ótip jatyr. Endi bir-eki kúnnen keıin irikteýden súrinbeı ótken bozbalalar shırek fınalǵa shy­ǵyp, ári qaraı júl­deli oryn­darǵa talasatyn bolady. Al qazirgi irikteý aıqastary basqa elderdi aıtpaǵanda, bizdiń 13 qaradomalaq balamyzǵa na­ǵyz sy­naq alańyna aınalǵanyn kórip otyr­myz. О́ıtkeni, kún sa­ıyn kesh­ke deıin  jankúıerler al­dynda qa­ra terge túsip qol­ǵap túıistirip jatqan qarakóz­deri­miz úshin bul álem chem­pıo­naty olar­dyń ómirin­degi  eń úl­ken jarys. Mine, osyn­daı syn­nan súrinbeı ótý boks­shy­lar úshin el aldyn­daǵy úlken jaýapkershilik deýge bolady. Osy rette 15-16 jasta­ǵy qurama múshe­leri­niń jeńiske jetý úshin boıyn­daǵy bar­lyq kúsh­ti sharshy alańda sarqa jum­sap jatqanyn atap ótken jón. Dúısenbi kúni úsh boks­shy­myz alǵashqy eki kúnde jeńiske jetken tórt qurdasy sııaqty qarsy­lastaryn jeńip, kelesi aınalymǵa joldama aldy. Osy kúni 48 kılo salmaqtaǵy Zańǵar Temirhan El­vıs Severnıo Rodrıgesti (Domınıkan Respýblı­ka­sy), Qaıyrgeldi Dáýitbek (63 kg.) Ilııas Adzınaevti (Belarýs) jeńse, 70 kılo salmaq­ta­ǵy Dáýlet Baıǵaba nemis Norbert Shoelhammarden 10:7 esebimen basym tústi. Bul aıqas­tar­dyń ishinde Qaıyrgeldi Dáýit­bek qarsylasyn ekinshi raýndta sabap, jeńiske jetti. Sodan ári qa­raı jekpe-jektiń qıyn bola­ryn bilgen Belarýs bapkerleri kezdesýdi toqtatyp, jeńilisti moıyn­daýǵa májbúr boldy. Sol kúni bizdiń Raýan Zatýlla (52 kg.) sharshy alańdaǵy alǵashqy kezdesýin ótkizip, belarýs Edýard Vahadan jeńilis tapty. Odan keıin Erbolat Ermekov (57 kg.) ekinshi ret rıngke shyǵyp, ol da qarsy­la­synan aılasyn asyra almady. Bul aıqas tepe-teń deńgeıde ótkeni­men tóreshiler jeńisti úndi Kýmar Sandıpke berip jiberdi. Osy chempıonatta basqa elder­diń de boksshylary jeńiske jetý úshin aıanbaı tyrysyp jatyr. Al­dyńǵy kúni túrikter Ázerbaı­jan­nyń esesin armıandardan qaıtardy. Ázerbaıjandar da qarap otyrǵan joq. Dúısenbi kúni olar tórt kezdesý ótkizip, sonyń ekeýinde je­ńis­ke jetti. Reseı boksshylary bol­sa tórt jekpe-jektiń bárinde qarsy­las­taryn aıqyn basym­dyq­pen utty. Álem chempıonatynda júl­dege úmit­kerlerdiń biri Ýkraına qu­ra­ma­synyń tynysy endi ashylǵan sııaq­ty. Qazir olardyń barlyq boks­shy­lary jaqsy nátıje kórsetýde. Dastan KENJALIN.