«О́rken» granttary – daryndy balalarǵa

Bilim jáne ǵylym mınıstri Ba­qytjan Jumaǵulovtyń tór­aǵa­ly­ǵy­men Qazaqstan Respýb­lıkasy Tunǵysh Prezıdenti «О́r­ken» bilim grantyn taǵaıyn­daý jónindegi respýblıkalyq komıs­sııa­nyń oty­ry­sy bolyp ótti. Respýblıkalyq komıssııa ús­ti­miz­degi jyldyń maýsym aıy­nyń orta­synda ótken baıqaýdyń qory­tyn­dy­syn shyǵardy. Sonymen birge jıynda oqý­shy­lardy 7 sy­nypqa irikteý baı­qa­ýy­­nyń qory­tyndysy bo­ıyn­sha ta­lap­ker­ler­­diń rezervtik tizimi bekitildi jáne oqýshylardy 8-10 synyptardaǵy va­kant­­tyq oryndarǵa irikteý úshin qo­symsha baıqaý ótkizý sheshimi qabyl­dandy. Basqosýda mınıstr Memleket basshysynyń talapkerlerdi mól­dir­ ári sapaly irikteýge aıryq­sha mán berilýin tapsyrǵanyn atap ótip, Nazarbaev zııatkerlik mektepterinde qalyptasqan jańa standarttar men oqytý  ádis­teme­leri ýaqyt óte búkil bilim berý júıesine engiziletinin aıtty. Taǵy bir aıta ketetin jaıt, kon­kýrs­tyq irikteýge 2583 oqýshy qatys­qan bolsa, komıssııa múshe­leri­niń qa­raýyna bilim berý gran­tyn taǵaıyndaý úshin 945 úmit­ker­diń materıaldary usynylǵan eken. Soǵan oraı, respýb­lı­kalyq komıssııanyń sheshimi boıyn­sha 833 úmitkerge grant taǵaıynda­lyp, 112 oqýshy bıylǵy jyly tuńǵysh ret qurylyp otyrǵan rezervti tizimge engizildi. Vakanttyq oryn paıda bolǵan jaǵdaıda rezervti tizimdegi oqýshylar oqý jylynyń ishinde qosymsha kon­kýrstyq irikteýge qatyspastan Nazarbaev zııatkerlik mektebine oqýǵa shaqyrylady. Nazarbaev zııatkerlik mektebine Taldyqorǵan, Semeı jáne Astana  qa­la­larynda fızıka-ma­te­­ma­tı­kalyq ba­ǵyttaǵy kon­kýrs­tyq irikteý eki kezeńde ót­kizildi. Bıyl Kókshetaý, Taldy­qorǵan, О́ske­men, Semeı qalala­ryn­da alǵashqy ret irikteýdiń birinshi kezeńi kompıýterlik testileý túrinde ótti. Kompıýterlik testileý kon­kýrs­tyq  irikteýdiń tıimdi, al em­tıhannyń ashyq jáne obek­tıvti ótýine jaǵdaı týǵyzdy. Kon­kýrs­tyń ekinshi kezeńine ótý úshin jo­ǵary bal­dyń 40 paıyzyn alý kerek boldy. Ekinshi kezeńde talapkerler mek­teptiń fızıka-matematı­ka­lyq nemese  hımııa-bıologııalyq baǵyt­taǵy baqylaý jumystaryn oryndady. Baqylaý jumystary eń joǵarǵy 30 balmen baǵa­lan­dy, porogtik ball 30%-dy qurady, ıaǵnı 9 ball boldy. 2009 jyldan bastap Qazaq­stan­­nyń ártúrli aımaqtarynan 11 000 bala testileýden ótti . Onyń ishinen Nazarbaev zııatkerlik mektepterinde 3 638 bala oqıdy. «Egemen-aqparat».