foto: visahelp.kz
Tergeý málimetine súıensek, kúdikti AQSh vızasyn qysqa merzimde shyǵaryp berýge ýáde etip, adamdardyń senimine kirgen. Nátıjesinde ol shetelge ońaı shyǵaryp jiberemin dep sendirip, keminde alty epızod boıynsha alaıaqtyq jasaǵan. Qyzmeti úshin ártúrli kólemde aqsha alyp, keıin baılanysqa shyqpaı qoıǵan.
Ulttyq bank eskertedi: Tólem kartasyn buǵattaý arqyly jasalatyn alaıaqtyq kóbeıdi
Jábirlenýshilerge keltirilgen jalpy shyǵyn shamamen 3 mıllıon teńgeni quraıdy. Polısııa kúdiktiniń óz kinásin moıyndaǵanyn málimdedi. Qazir sotqa deıingi tergeý amaldary júrgizilip jatyr.
Mundaı qylmysty jasaıtyndar kóbine qujattardy shuǵyl rásimdeý kerek ekenin jáne kvota shekteýli ekenin alǵa tartady. Aldyn ala tólem talap etedi jáne aqsha aýdarylǵan soń baılanyssyz ketedi.
Aqtóbede prokýror ustaldy: Sheneýnik 10 mln teńge para aldy degen kúdikke ilindi
Astana qalalyq Polısııa departamenti kez kelgen usynysty muqııat tekserip, tek resmı lısenzııasy bar uıymdarmen jumys isteý qajettigin eske salady. Kúmándi jaǵdaı týyndasa, birden quqyq qorǵaý organdaryna júgingen jón.
