ZAŃDARDYŃ TО́RESI

Qazaqstandyq patrıo­tızm negizin qalyptastyrady. Demokra­tııa­lyq tásil­men Úkimettiń, bıliktiń óz­ge­risterin re­fe­rendým nemese Parla­ment­tiń zań qa­byl­daýy arqyly júzege asyrýǵa bolady. Osy prınsıpterdi bizder túpqazyq re­tinde ustaýymyz qajet. Konstıtýsııanyń túpkilikti qaǵıdasy – Qazaqstandy jan-jaqty damytý, qoǵamdy demokratııalyq jolmen alǵa bastyrý. Bizder depýtattyq qyzmetimizde zań jo­balarymen tanysqan sátten-aq óz isimizdi Konstıtýsııamen tikeleı baıla­nys­tyryp otyramyz.

Parlamentke Úki­metten jańa zańdardyń jobalary túsedi, qoldanystaǵy zańdarǵa ózgerister men tolyqtyrýlar usynylady. Keıde qoǵam­ǵa asa qajetti zańdardy shyǵarý úshin de­pýtattar da zań jobalaryn ázirlep, bas­tamashylyq jasaıdy. Sonyń barlyǵy Ata Zańǵa sáıkes bolýy tıis. Iаǵnı, zań shy­ǵarýshylyqpen aınalysatyn adam­nyń jumys ústelinde Konstıtýsııa jatady. Talqylanyp jatqan zań jobalaryna oraı el turǵyndarynan túsetin usynys­tar da kóp bolady. Ony depýtattar júıe­lep, jumys tobyna usynady. Sonyń ishinde qoǵamǵa asa qajettisin, Ata Zańǵa sáıkes keletinin qabyldaımyz. Keıde azdaǵan túzetýdiń ózi Konstıtýsııaǵa sáıkes kelmeı jatsa, nemese basqa kodekster men zańdardyń normalaryna qaıshy kelgende, talqylaýdyń uzaqqa sozylatyny, pikir­ta­las­tar týyndap jatatyny anyq.

Amerıka Qurama Shtattary óz konstıtýsııasyna eki ǵasyr boıy ózgeris engizbegen eken degen pikirdi aıtyp jatady. Amerıka eshkimniń bodanynda bolǵan joq. Árıne, ár memlekettiń qu­ryl­ǵan kezdegi jaǵdaıy ártúrli bolady. Sondaı-aq, ustanǵan baǵyttary da ártúrli. Bizdiń memleketimiz buryn Keńes odaǵynyń quramynda bolyp keldi. Ol júıeden shyǵyp, óz aldyna táýelsizdik alǵan tusta birden damyǵan elderdiń us­tanymyndaı talaptardy qoıa almaıtyny belgili. Ol kezde kózqaras basqa boldy.. 2007 jyly 21 mamyrda Konstıtý­sııa­ǵa ózgerister engizildi. О́zgerister men tolyqtyrýlar engi­zi­lerde kásibı sarapshylardyń taldaýynan ótkiziledi. Damyǵan elderdiń birinde mynadaı bir bap bar eken degen uran­da­ǵan pikir boıynsha kez kelgen tolyq­tyrýdy engizýge bolmaıdy. О́ıtkeni, halqymyz aıtqandaı, “ár eldiń salty basqa”. Engiziletin tolyqtyrý qoǵammen, halyqpen baılanysty bolýy tıis.

Memleket basshysy Nursultan Na­zar­baevtyń: “Eń bastysy, kim ekenine qaramastan, ár adam Konstıtýsııa qaǵı­dalaryn qatań saqtaýǵa mindetti. Bizdiń bárimizdiń zańdy bilýimizdiń mańyzy zor. Al olardy oryndaýymyzdyń mańyzy odan da zor. Onsyz bizdiń órkendegen memleket ornatamyz, elimizde tártip ornatamyz degen nıetimizdiń bári beker. Memleket qurý isi – úzdiksiz prosess, ol memleket kansha ómir súrse, sonsha ýaqyt júrgizile bermek”, – degen sózi oıymyzdy dáleldeı túsedi.

Jeksenbaı DÚISEBAEV,

Májilis depýtaty